ახალი ამბები

გერმანიის კანცლერმა ოლაფ შოლცმა თქვა, რომ "სხვა რუსეთთან" ხიდები არ უნდა განადგურდეს. რუსეთთან, რომელიც ეწინააღმდეგება პრეზიდენტ ვლადიმერ პუტინს და მის მთავრობას.

ამის შესახებ მან ევროსაბჭოს სამიტზე განაცხადა, რომელსაც 46 წევრი ქვეყნის 30-ზე მეტი სახელმწიფოსა და მთავრობის მეთაური ესწრება.

"ერთი რამ ცხადია - ეს [ომი] არ დასრულდება პუტინის იმპერიალიზმის გამარჯვებით", - აღნიშნა გერმანიის კანცლერმა.

მისი თქმით, უკრაინა მხარდაჭერას სამართლიანი მშვიდობის მიღწევამდე მიიღებს. მაგრამ მანამდე ევროსაბჭომ უნდა შეინარჩუნოს ხიდები სხვა რუსეთის, სხვა ბელორუსის წარმომადგენლებთან და ამით შეინარჩუნოს ორივე ქვეყნის დემოკრატიული, მშვიდობიანი მომავლის შესაძლებლობა, რაც არ უნდა ნაკლებად სავარაუდო იყოს ეს დღეს. 

ამავე დროს, მან მოითხოვა უკრაინაში სამხედრო დანაშაულებისთვის რუსეთის თანმიმდევრული დასჯა. ამას ხელი უნდა შეუწყოს უკრაინისთვის მიყენებული ზარალის საერთაშორისო რეესტრმა, რომელიც ევროსაბჭოს სამიტის ფარგლებში შეიქმნა.

კონტექსტი

16 მაისს ისლანდიის დედაქალაქ რეიკიავიკში ევროსაბჭოს წევრი 46 ქვეყნის ლიდერების მეოთხე სამიტი დაიწყო. შეხვედრის მთავარი მიზანი უკრაინის წინააღმდეგ რუსეთის აგრესიის შედეგად კონტინენტზე შექმნილი სიტუაციის განხილვაა.

სამიტის ფარგლებში უკვე გამოცხადდა რუსეთის მიერ უკრაინისთვის მიყენებული ზარალის რეესტრის შექმნა.

გარდა ამისა, დიდი ბრიტანეთი და ნიდერლანდები შეთანხმდნენ კიევისთვის F-16-ების შესაძენად კოალიციის შექმნაზე.

სამიტში უკრაინის პრეზიდენტი ვოლოდიმირ ზელენსკი დისტანციურად მონაწილეობდა. მან ევროპის საბჭოს ქვეყნებს მოუწოდა უკრაინას დამატებითი საჰაერო თავდაცვის სისტემები და რაკეტები მიაწოდონ. მისი თქმით, ქვეყანას სჭირდება საჰაერო თავდაცვის გაძლიერება, განსაკუთრებით დასავლური გამანადგურებლების დახმარებით.