ახალი ამბები

სლოვაკეთისა და უკრაინის მთავრობები ორმხრივი თანამშრომლობის გაღრმავებაზე შეთანხმდნენ. 11 აპრილს, მიხალოვცეში, უკრაინის საზღვართან, მოლაპარაკებების დროს მხარეები ენერგეტიკის სექტორში უფრო მჭიდრო პარტნიორობაზე და სატრანსპორტო ქსელის გაფართოებაზე შეთანხმდნენ.

დენის შმიჰალმა ჟურნალისტებს განუცხადა, რომ ერთი წლის განმავლობაში მხარეები აპირებენ შეიარაღების სფეროში თანამშრომლობის ახალ დონეზე გადაყვანას.

სლოვაკეთის პრემიერ-მინისტრმა რობერტ ფიცომ თავის უკრაინელ კოლეგას ბრატისლავას მხარდაჭერა აღუთქვა ევროკავშირში სწრაფად გაწევრიანების გზაზე. მისი თქმით, სლოვაკეთის მხარდაჭერა უკრაინისადმი "არავითარ შემთხვევაში არ არის მხოლოდ სპეკულაციური, ჩვენ ვსაუბრობთ სრულ მხარდაჭერაზე."

შმიჰალის თქმით, ევროინტეგრაციის მისწრაფებებისა და ვოლოდიმირ ზელენსკის მიერ შემოთავაზებული "მშვიდობის ფორმულის" მხარდაჭერა კიევისთვის "კრიტიკულად მნიშვნელოვანია."

თავის მხრივ, შმიჰალმა მიხალოვეცში ორმხრივ სამთავრობათაშორისო კონსულტაციებს უწოდა "წინასვლის ნიშანი ურთიერთსასარგებლო თანამშრომლობისკენ." მოლაპარაკებების მთავარი თემები იყო ენერგეტიკა, სლოვაკეთის პოლიტიკური მხარდაჭერა კიევისთვის, ვაჭრობა და უკრაინის აღდგენა.

"სლოვაკეთი მტკიცედ უჭერს მხარს უკრაინის ტერიტორიულ მთლიანობას და სუვერენიტეტს, გმობს რუსეთის აგრესიას და სოლიდარულია ჩვენი ევროინტეგრაციის მისწრაფებების მიმართ," - განაცხადა შმიჰალმა და მადლობა გადაუხადა მეზობელ ქვეყანას მხარდაჭერისთვის.