ახალი ამბები

30 ივლისს, სომხეთსა და თურქეთს შორის ურთიერთობების ნორმალიზაციის პროცესში სპეციალურმა წარმომადგენლებმა, სომხეთის პარლამენტის ვიცე-სპიკერმა რუბენ რუბინიანმა და თურქეთის ყოფილმა ელჩმა შეერთებულ შტატებში სერდარ კილიჩმა მეხუთე შეხვედრა გამართეს.

შეხვედრა მარგარას განახლებულ საგუშაგოზე შედგა.  

სომხეთისა და თურქეთის წარმომადგენლებმა წინა შეხვედრებზე მიღწეული შეთანხმებები დაადასტურეს.

გარდა ამისა, ისინი შეთანხმდნენ შეაფასონ ტექნიკური მოთხოვნები აჰურიკის/აკიაკას სარკინიგზო სასაზღვრო გამშვები პუნქტის ფუნქციონირების უზრუნველსაყოფად, აგრეთვე დიპლომატიური/სამსახურებრივი პასპორტის მფლობელებისთვის სავიზო პროცედურების გამარტივება.

"საბოლოოდ, მათ კიდევ ერთხელ მკაფიოდ გამოხატეს თანხმობა გააგრძელონ ნორმალიზაციის პროცესი ყოველგვარი წინაპირობის გარეშე, რათა მიაღწიონ ქვეყნებს შორის ურთიერთობების სრული ნორმალიზაციის საბოლოო მიზანს," - აცხადებენ სომხეთის საგარეო საქმეთა სამინისტროში.

თურქეთსა და სომხეთს ურთიერთობების რთული ისტორია აქვთ. სომხეთი თურქეთს სომხური ეთნიკური უმცირესობის გენოციდში ადანაშაულებს.

მანკარამ სომხეთი 1991 წელს დამოუკიდებლობის გამოცხადების შემდეგ აღიარა, მაგრამ ორი ქვეყნის საერთო საზღვარი 1993 წლიდან დაკეტილია, რადგან სომხეთსა და აზერბაიჯანს შორის მთიანი ყარაბაღის კონტროლისთვის ომი მიმდინარეობდა.

2023 წლის თებერვალში, მიწისძვრის გამო, სომხეთმა და თურქეთმა გახსნეს სასასაზღვრო პუნქტი, რომელიც 35 წლის განმავლობაში ჩაკეტილი იყო და სომეხი მაშველები მიწისძვრით დაზარალებულ რეგიონებში ჩავიდნენ.