ახალი ამბები

საერთაშორისო სავალუტო ფონდმა გლობალური ეკონომიკური ზრდის პროგნოზი 0.5 პროცენტული პუნქტით, 4.4 %-მდე შეამცირა.

გასულ წელს მსოფლიო ეკონომიკა 6 %-ით გაიზარდა.

სავალუტო ფონდის თანახმად, ზრდის შემცირებაზე უმეტესად მსოფლიოს ყველაზე მსხვილი - აშშ-ს და ჩინეთის - ეკონომიკების შენელებამ იმოქმედა.            

ეკონომიკური ზრდის ხელისშემშლელ ფაქტორებს შორის სახელდება ომიკრონის ვარიანტის გავრცელება, ენერგომატარებლებზე ფასის ზრდა და შეფერხებები საქონლის მიწოდების ქსელში.

ამასთან, გაიზარდა ინფლაციური მოლოდინები.

სსფ-ს მიხედვით, 2022 წელს განვითარებულ ეკონომიკებში ფასების ზრდის ინდექსი საშუალოდ 3.9 %-ს მიაღწევს, ხოლო განვითარებად ეკონომიკებში იგივე მაჩვენებელი 5.9 % იქნება.

თუმცა, ფონდი წლის ბოლოსკენ ინფლაციური წნეხის შემცირებას ვარაუდობს, მას შემდეგ, რაც „მიწოდების შეფერხება აღმოიფხვრება“ და ცენტრალური ბანკები მონეტარული პოლიტიკის გამკაცრებას დაიწყებენ.