ახალი ამბები

ნატოს გენერალურმა მდივანმა იენს სტოლტენბერგმა დაადასტურა, რომ ფინეთი ნატოს ოფიციალურად 4 აპრილს შეუერთდება. ამის შესახებ მან 3 აპრილს ბრიუსელში გამართულ ბრიფინგზე განაცხადა.

ალიანსის საგარეო საქმეთა მინისტრების შეხვედრის წინა დღეს, რომელიც ბელგიის დედაქალაქში გაიმართება, სტოლტენბერგმა დაადასტურა ინფორმაცია სამშაბათს ფინეთის გაწევრიანების შესახებ.

გენერალურმა მდივანმა განაცხადა, რომ სამშაბათი ისტორიული დღე იქნება.

"ხვალ მივესალმებით ფინეთს, როგორც ნატოს 31-ე წევრს, რაც ფინეთს უფრო უსაფრთხოს გახდის და ჩვენს ალიანსს გააძლიერებს. ჩვენ პირველად აღვმართავთ ფინეთის დროშას აქ ნატოს შტაბ-ბინაში", - თქვა მან.

სტოლტენბერგმა განმარტა, რომ ხვალ ფინეთი მონაწილეობას მიიღებს ალიანსის ყველა შეხვედრასა და საქმიანობაში, როგორც სრულუფლებიანი წევრი.

მისი თქმით, ფინეთის წევრობის პროტოკოლი 30-ვე წევრმა ქვეყანამ დაამტკიცა.

ფინეთის წევრობის დასრულება კვლავ მოითხოვს თურქეთს მიერ რატიფიცირებული ოქმის აშშ-ს სახელმწიფო დეპარტამენტის არქივში შეტანას. ამის შემდეგ ნატომ ფინეთი გასაწევრიანებლად უნდა მოიწვიოს, ფინეთმა კი ხელი მოაწეროს გაწევრიანების დოკუმენტს და წარუდგინოს აშშ-ს სახელმწიფო დეპარტამენტს.

თუმცა, ყველა ეს პროცედურა ბრიუსელში იგეგმება, რათა ფინელი ან თურქი ჩინოვნიკები ვაშინგტონში არ გაემგზავრონ.