ახალი ამბები

დონალდ ტრამპმა დაადასტურა, რომ ცენტრალურ სადაზვერვო სააგენტოს (СIA) ვენესუელაში ფარული ოპერაციების დაწყების ნებართვა მისცა, მათ შორის საუბარია დარტყმებზე ნარკო კარტელებისა და მათი ინფრასტრუქტურის წინააღმდეგ. 

ვითარების არსი: ამის შესახებ ამერიკელმა პრეზიდენტმა თეთრ სახლში ჟურნალისტებთან ურთიერთობისას განაცხადა. 

• "მხოლოდ იმიტომ, რომ ვიღაცებს ამაზე ფულის შოვნა სურთ, ჩვენ არ დავუშვებთ ჩვენი ქვეყნის განადგურებას"- განაცხადა ტრამპმა და დასძინა, რომ მისი ადმინისტრაციის მიერ კარტელების კუთვნილ გემებზე განხორციელებული დარტყმების შედეგად ზღვაზე ნარკო ტრაფიკია შეჩერებულია. 
  
  
• "ჩვენი სამხედროები დააკვირდებიან ვითარებას ხმელეთზე"- განაცხადა ამერიკელმა პრეზიდენტმა. 
  
  

დიდი სურათი: ტრამპმა არ უპასუხა ჟურნალისტის მიერ დასმულ კითხვას - აქვს თუ არა CIA-ის ნიკოლას მადუროს განეიტრალების (Take Out) ნებართვა. 

• ცენტრალური სადაზვერვო სააგენტოს გაზრდილი უფლებამოსილების შესახებ განცხადება, ვენესუელას ირგვლის ამერიკის სამხედრო კონცენტრაციის ზრდის ფონზე მიმდინარეობს. 

კონტექსტი: მიუხედავად იმისა, რომ კარიბის რეგიონში სამხედრო კონცეტრაციის ოფიციალური მიზანი ნარკო-ტრაფიკის შეჩერებაა, დონალდ ტრამპი არ მალავს, რომ ნიკოლას მადუროს ხელისუფლებიდან ჩამოშორება სურს. 

• გასულ დღეებში მადუროს დაკავებისთვის დაწესებული ჯილდო ადმინისტრაციამ 50 მილიონ დოლარამდე გაზარდა. 
  
  
• დასავლური მედიის ცნობით, ტრამპის ადმინისტრაციის პოლიტიკა ჯერ კიდევ ინაუგურაციამდე ვენესუელაში რეჟიმის ცვლილების მხარდაჭერა იყო. 
  
  

სიღრმისეულად: რეგიონში სამხედრო კონცენტრაციის ზრდით ტრამპი აძლიერებს წნეხს მადუროს რეჟიმზე