ახალი ამბები

წინასაარჩევნო ღონისძიებაზე აშშ-ის ყოფილმა პრეზიდენტმა დონალდ ტრამპმა გააკრიტიკა უკრაინის მხარდაჭერის მასშტაბები, ფაქტების დამახინჯებით და განაცხადა, რომ თუ გაიმარჯვებს, მაშინვე "მოაგვარებს ამ საკითხს."

ამის შესახებ ტრამპმა  დეტროიტში გამართულ კამპანიის ღონისძიებაზე განაცხადა, რომელიც Turning Point USA-ს მიერ იყო ორგანიზებული.

თავის გამოსვლაში ტრამპმა გააკრიტიკა უკრაინის დახმარება, რომლის მოთხოვნებიც "არასოდეს წყდება."

"ზელენსკი არის ალბათ საუკეთესო გაყიდვების აგენტი ნებისმიერი პოლიტიკოსს შორის, რომელსაც ოდესმე უცხოვრია ჩვენს ქვეყანაში, ის ტოვებს აქაურობას 60 მილიარდი დოლარით," - თქვა ყოფილმა პრეზიდენტმა.

ტრამპმა აღნიშნა, რომ მას "მოსწონს ზელენსკი" იმის გამო, თუ როგორ გაუმკლავდა სკანდალს, რამაც გამოიწვია ტრამპის პირველი იმპიჩმენტის მცდელობა და შემდეგ კვლავ გაიმეორა პირველი პუნქტი.

"ის ახლახან წავიდა, ოთხი დღის წინ, 60 მილიარდით, მოდისდა აცხადებს, რომ მას კიდევ 60 მილიარდი სჭირდება. და ის არასოდეს ჩერდება, არასოდეს ჩერდება. მე მოვაგვარებ ამ საკითხს თეთრ სახლში პრეზიდენტის რანგში შესვლამდე. სანამ ჯერ კიდევ არჩეული პრეზიდენტი ვიქნები, ამ საკითხს მოვაგვარებ," - განაცხადა დონალდ ტრამპმა.

ზელენსკი ბოლოს შეერთებულ შტატებში 2023 წლის დეკემბერში იყო და არა "ოთხი დღის წინ" და 61 მილიარდი დოლარის დაფინანსება უკრაინის მხარდასაჭერად მხოლოდ ერთხელ გამოიყო.