ახალი ამბები

17 ოქტომბერს თეთრ სახლში გამართულ შეხვედრაზე დონალდ ტრამპი უკრაინელ ლიდერს მოუწოდებდა დროულად მიეღო ვლადიმირ პუტინის წინადადება ან დალოდებოდა ომში გამანადგურებელ მარცხს. 

ვითარების არსი: ინფორმაციას ამის შესახებ საკუთარ წყაროებზე დაყრდნობით Financial Times ავრცელებს - ეს ადასტურებს, მანამდე Axios-ის მიერ გავრცელებულ ვერსიას, რომლის მიხედვითაც პარასკევის შეხვედრამ "დაძაბულ" გარემოში ჩაიარა და ჯამურად ცუდი იყო. 

• წყაროების ცნობით, 2.5 საათიანი შეხვედრის განმავლობაში საუბარი პერიოდულად იძაბებოდა და მწვავე კამათში გადადიოდა -  ტრამპმა რამდენიმეჯერ უცენზურო ლექსიკასაც მიმართა. 
  
  
• "ზომაზე მეტად ემოციურ" საუბრებზე მიუთითებდნენ გამოცემა Axios-ის წყაროებიც. 

ჩაშლილად: FT-ის ცნობით, ტრამპმა იმეორეობდა ვლადიმირ პუტინის თეზისებს, რომელიც მისგან წინა დღით სატელეფონო საუბარში მოისმინა - ზოგი მათგანი ეწინააღმდეგობოდა თავად ტრამპის მიერ ცოტა ხნის წინ გაჟღერებულ შეხედულებებს. 

• "ან შეთანხმებას დადებთ, ან განადგურდებით"- განაცხადა ტრამპმა შეხვედრის მიმდინარეობისას - წყაროების ცნობით, ამერიკელი პრეზიდენტი იმეორებდა, რომ უკრაინაში ომში მარცხდება და დასძინა, რომ "სურვილის შემთხვევაში პუტინს შეუძლია გაანადგუროს უკრაინა." 
  
  
• საუბრის დაძაბვის ფონზე ტრამპმა რაღაც მომენტში ტრამპმა უკრაინული დელეგაციის მიერ წარდგენილი საბრძოლო რუკები მოისროლა და ზელენსკის სთხოვდა სრულად დაეთმო დონეცკის ოლქი. 
  
  
• იმის შესახებ, რომ ტრამპთან საუბარში პუტინმა დონეცკის ოლქი სრულად მოითხოვა Washington Post-ის წყაროებიც ადასტურებენ. 

დაეწიე ამბავს: მიუხედავად ამისა, უკრაინელებმა შეძლეს ტრამპის გადარწმუნება მხარი დაეჭირა კონფლიქტის არსებულ ფრონტის ხაზებზე გაყინვას - მოგვიანებით მსგავსი პოზიცია დააფიქსირა ამერიკელმა პრეზიდენტმა შეხვედრის შემდეგ გამოქვეყნებულ პოსტშიც. 

• წყაროების ცნობით, შეხვედრის შედეგად იმედგაცრუებული იყო არამხოლოდ ვოლოდიმირ ზელენსკი, არამედ ევროპელი ლიდერებიც, რომლებიც მივიდნენ დასკვნამდე, რომ ტრამპი არ აპირებს უკრაინის მხარდაჭერის გაზრდას.

კონტექსტი:  ტერიტორიული საკითხები ვლადიმირ პუტინისა და დონალდ ტრამპის მომავალი შეხვედრის ერთ-ერთი მთავარი თემა იქნება. 

• შეხვედრის შესახებ შეთანხმება პუტინისა და ტრამპის რიგით მერვე სატელეფონო საუბარში შედგა და ის მომდევნო 2 კვირის განმავლობაში ბუდაპეშტში გაიმართება.
  
  
• ამერიკის მხრიდან სამიტის მომზადებას სახელმწიფო მდივანი მარკო რუბიო უხელმძღვანელებს, რამაც წყაროების ცნობით, უკრაინული დელეგაცია დაამშვიდა. 
  
  
• უკრაინასა და არაერთ ევროპულ დედაქალაქში მიაჩნიათ, რომ უიტკოფი ვერ ერკვევა ვითარებაში და ვერ გამოაქვს სწორი გზავნილები კრემლთან კომუნიკაციის შემდეგ. 
  
  
• დასავლური მედიის ცნობით, სწორედ უიტკოფის მიერ არასწორად ინტერპრეტირებული პუტინის პოზიციები გახდა ალასკის სამიტის ორგანიზებისა და შემდეგ მისი წარუმატებლობის მიზეზი.