ახალი ამბები

უკრაინაში დეოკუპირებული 1017 ქალაქიდან და სოფლიდან 377 გაინაღმა. ამის შესახებ 14 ივნისს უკრაინის პრეზიდენტის აპარატის უფროსის მოადგილემ, კირილო ტიმოშენკომ განაცხადა.

"ელექტროენერგია მიეწოდება დასახლებების 86%-ს. გრძელდება გაზმომარაგების აღდგენის სამუშაოები დაახლოებით 700 დასახლებაში, 650-მდე ქალაქი და დაბა წყლით არის უზრუნველყოფილი. ადმინისტრაციული ცენტრები, მაღაზიები, აფთიაქები და საბავშვო ბაღები მუშაობას განაახლებენ", - აღნიშნა ტიმოშენკომ.

მისი თქმით, ჰუმანიტარულმა შტაბებმა 950-ზე მეტ დეოკუპირებულ დასახლებაში დაიწყეს მუშაობა.

11 აპრილს საგანგებო სიტუაციების სახელმწიფო სამსახურმა განაცხადა, რომ, წინასწარი შეფასებით, უკრაინაში დაახლოებით 300 000 კმ²-ის გამოკვლევა და ნაღმებისგან გაწმენდა იყო საჭირო. ეს ქვეყნის ტერიტორიის თითქმის ნახევარია.