ახალი ამბები

უკრაინის მოქალაქეების აბსოლუტური უმრავლესობა ელის, რომ 10 წელიწადში, ქვეყანა ევროკავშირის წევრი გახდება.

ეს დასტურდება 7 ნოემბერს გამოქვეყნებული სოციოლოგიური კვლევის შედეგებით, რომელიც ოქტომბერში, კიევის სოციოლოგიის საერთაშორისო ინსტიტუტმა (КМИС) ჩაატარა.

რესპონდენტებს სთხოვეს, აერჩიათ ერთ-ერთი განცხადება, უკრაინის მომავლის შესახებ, რომელსაც ყველაზე მეტად ეთანხმებიან.

89%-მა შემდეგი ვარიანტი აირჩია: "10 წელიწადში უკრაინა იქნება აყვავებული ქვეყანა, ევროკავშირის ფარგლებში". უფრო დეტალურად, ამ ფორმულირებას სრულად დაუჭირა მხარი რესპონდენტთა 63%-მა, ხოლო "უმეტესად" მხარი დაუჭირა 26%-მა.

უმეტესობა, ვინც ასე უპასუხა, ცხოვრობს უკრაინის დასავლეთ უკრაინაში (90%), და ნაკლებად - აღმოსავლეთში (76%).

განაცხადს, რომ "10 წელიწადში უკრაინა იქნება დანგრეული ეკონომიკისა და ხალხის დიდი გადინების ქვეყანა" სრულად ეთანხმება გამოკითხულთა 1%, "უფრო მეტად" ეთანხმება - 3%.

კვლევის მონაწილეთა კიდევ 6%-მა უარი თქვა პასუხის გაცემაზე ან გაუჭირდა პასუხის გაცემა.

21-23 ოქტომბერს ჩატარებულ სოციოლოგიურ კვლევაში მონაწილეობა მიიღო უკრაინის 18 წლის და უფროსმა 1000-მა მოქალაქემ, რომლებიც გამოკითხვის დროს ცხოვრობდნენ უკრაინის ხელისუფლების მიერ კონტროლირებად ტერიტორიაზე.

კვლევის სტატისტიკური ცდომილება 3.4%-ს არ აღემატება.