უკრაინელების 97%-ს რუსეთზე გამარჯვების სჯერა - კვლევა

უკრაინელების 97%-ს სჯერა უკრაინის რუს ოკუპანტებზე გამარჯვების. ამის შესახებ თებერვლის დასაწყისში, IRI-ს დაკვეთით, სოციოლოგიური ჯგუფი "რეიტინგის" მიერ ჩატარებული კვლევის შედეგებში ვკითხულობთ.

კითხვაზე: "გჯერათ, რომ უკრაინა ომს მოიგებს?" - გამოკითხულთა 82%-მა აირჩია პასუხი: "აუცილებლად დიახ", ხოლო კიდევ 15%-მა - "უფრო სავარაუდოა, დიახ."

1%-ზე ცოტა მეტს არ სჯერა უკრაინის გამარჯვების.

დანარჩენ რესპონდენტებს პასუხის გაცემა გაუჭირდათ.

უკრაინის გამარჯვების ყველაზე მეტად ქვეყნის დასავლეთში სჯერათ (87%).

ასაკობრივი თვალსაზრისით, უკრაინის გამარჯვებაში ყველაზე მეტად დარწმუნებული 18-35 წლის მოქალაქეები (98%) არიან.

სოციოლოგიური კვლევა 1-5 თებერვალს მთელ უკრაინაში ჩატარდა, ყირიმის, დონეცკისა და ლუგანსკის ოკუპირებული რეგიონების გარდა.

სატელეფონო ინტერვიუებით 18 წლის და უფროსი ასაკის 2000 ადამიანი გამოიკითხა.  

მსგავსი სიახლეები