ახალი ამბები

უკრაინის შეიარაღებული ძალების მთავარსარდალმა ვალერი ზალუჟნიმ შეერთებული შტატების გაერთიანებული შტაბის უფროსთან, გენერალ მარკ მილისთან უკრაინაში Patriot-ის კომპლექსების ეფექტური ფუნქციონირება განიხილა.

ამის შესახებ ზალუჟნი Telegam-ზე წერს.

"დაწვრილებით გავაცნე ფრონტის ძირითად მიმართულებებზე არსებული ვითარება, ვაგრძელებთ თავდაცვითი ოპერაციის ჩატარებას და შემდგომი მოქმედებებისთვის მზადებას.

ვესაუბრე დრონებითა და სხვადასხვა ტიპის რაკეტებით, კერძოდ, ჰიპერბგერითი  X-47M2 "კინჟალით" რუსების მასიურ თავდასხმებზე. მადლიერება გამოვხატე Patriot-ის კომპლექსებისთვის და აღვნიშნე მათი ეფექტური მუშაობა. უკრაინის პრიორიტეტი დამატებითი საჰაერო თავდაცვის სისტემებია ჩვენი ცის დაცვის გასაძლიერებლად." - აცხადებს ზალუჟნი.

უკრაინის შეიარღებული ძალების მთავარსარდლის თქმით, მათ ასევე განიხილეს იარაღისა და საბრძოლო მასალის, კერძოდ შორ მანძილზე მოქმედი ჭურვების მიწოდების აუცილებლობა.