ახალი ამბები

რუსეთის პრეზიდენტი ვლადიმერ პუტინი იმ ასაკშია, როცა ღირს დაფიქრება, რას დატოვებს. ეს მოსაზრება უკრაინის პრეზიდენტმა ვოლოდიმირ ზელენსკიმ 4 აგვისტოს აფრიკულ მედიასთან საუბრისას გამოთქვა.  

"კიდევ რამდენი ომი სჭირდება რუსეთის ფედერაციის პრეზიდენტს? იქნებ საკმარისია? ის უკვე საკმაოდ დიდია. იქნებ დროა ვიფიქროთ, რას ეტყვის ღმერთს? ჩვენ უნდა ვიფიქროთ, რას ტოვებს დედამიწაზე. რას ტოვებს მის შემდეგ, გარდა ჯოჯოხეთისა? რა მოუვა რუს ერს, მის ხალხს?.. ვფიქრობ, არის რაღაცეები, რაზეც ფხიზლად უნდა იფიქრო. არა დიქტატორივით, არამედ ფხიზლად. ყველაფერი რაც გააკეთა, სამწუხაროდ, ამას არავინ აპატიებს. ამას არავინ დაივიწყებს. ამას არავინ დაივიწყებს. მისი დაბრუნება შეუძლებელია. შეუძლებელია! თუ თქვენი შვილი მოკლულია, მას ხელახლა ვერ გააჩენთ. და მათ ათასობით ასეთი ბავშვი დახოცეს. მათი დაბრუნება და დავიწყება შეუძლებელია", - აღნიშნა ზელენსკიმ.

მან განაცხადა, რომ უკრაინელები ბევრი არიან: ქვეყნის 40 მილიონი მოქალაქე და დაახლოებით 20 მილიონი ადამიანი, რომლებიც საზღვარგარეთ ცხოვრობენ, მაგრამ წარმოშობით უკრაინელები არიან.

"ამ ამბავს დავიმახსოვრებთ და გადავცემთ ჩვენს შვილებსა და შვილიშვილებს. ჩვენ ამას არასოდეს ვაპატიებთ", - დასძინა ზელენსკიმ. "მაგრამ ის, ერთი ადამიანი - წარმოიდგინეთ, 70 წლის! ერთ ადამიანს შეუძლია შეაჩეროს სისხლისღვრა. რატომ აძლევს სამყარო ერთ ადამიანს ამის საშუალებას?"

მან ყურადღება გაამახვილა იმ ფაქტზე, რომ სსრკ-მ 70 წელი "გაძლო". უკრაინის პრეზიდენტის თქმით, ამაში "რაღაც სიმბოლურია".