ზელენსკის პარტია აპირებს გადააყენოს დეპუტატი, რომელიც ზალუჟნის აკრიტიკებდა
რადაში დარეგისტრირდა ინიციატივა მარიანა ბეზუჰლას გადაყენების შესახებ, რომელიც თავდაცვის კომიტეტის თავმჯდომარის პოსტს იკავებს. უმრავლესობის ფრაქციის წევრი გასულ კვირებში ЗСУ-ს მთავარსარდალს, ვალერი ზალუჟნის აქტიურად აკრიტიკებდა და თავს ესხმოდა.
ინიციატივის ავტორი 11 დეპუტატია, მათ შორის კომიტეტის თავმჯდომარე ალექსანდრ ზავიტნევიჩი.
კოლეგა დეპუტატი ბეზუჰლას საპარლამენტო რეგლამენტის დარღვევაში ადანაშაულებენ. ბეზუჰლას საპარლამენტო თანამდებობიდან ჩამოშორების რეკომენდაცია გასცა რადას დაზვერვისა და ეროვნული უსაფრთხოების კომიტეტმაც.
კონტექსტი
ბოლო თვეების განმავლობაში დეპუტატმა საომარი მოქმედებების მიმდინარეობის შესახებ რამდენიმე ხმაურიანი განცხადება გაავრცელა. ბეზუჰლა ხელმძღვანელობის საბჭოთა სტილში დებდა ბრალს ვალერი ზალუჟნის.
გარდა ამისა, სოციალურ ქსელებში გამოქვეყნებულ პოსტებში დეპუტატი წერდა, რომ ზალუჟნის და გენერალურ შტაბს არ წარუდგენიათ პარლამენტისთვის 2024 წლის ომის გეგმა, ბეზუჰლა ზალუჟნისა და სამხედრო ხელმძღვანელობის გადადგომას ითხოვდა.
