ახალი ამბები

დნიპროში საცხოვრებელ კორპუსზე სარაკეტო თავდასხმაზე პასუხისმგებელი პირები უნდა დაისაჯონ. ამის შესახებ გერმანიის საგარეო საქმეთა სამინისტროს განცხადებაში ვკითხულობთ, რომელიც Twitter-ზე 15 ნოემბერს გავრცელდა.

სამინისტრომ აღნიშნა "რუსული სარაკეტო ტერორის კიდევ ერთი დღე" და განაცხადა, რომ გერმანია "მტკიცედ დგას უკრაინის მხარეს და მხარს უჭერს მას სამხედრო, ეკონომიკური და ჰუმანიტარული დახმარებით, ასევე პოლიტიკურად."

"ჩადენილ დანაშაულებზე პასუხისმგებელი პირები უნდა დაისაჯონ - დაწყებული რუსი ჯარისკაცებიდან, რომლებმაც გააუპატიურეს, გაძარცვეს და დაბომბეს სახლები დნიპროში, დამთავრებული ხელმძღვანელობით, რომლებიც ამ დანაშაულებრივ ბრძანებებს იძლევიან. ეს არის ერთ-ერთი მიზეზი, რის გამოც ანალენა ბერბოკი ხვალ ჰააგაში მიდის." - ნათქვამია განცხადებაში.

14 იანვარს რუსეთმა უკრაინის ტერიტორიას, მათ შორის ქალაქ დნიპროს, რაკეტებით რამდენჯერმე შეუტია. ზოგიერთი რაკეტა უკრაინის საჰაერო თავდაცვის ძალებმა ჩამოაგდეს.

დნიპროზე სარაკეტო თავდასხმის შედეგად საცხოვრებელი მაღალსართულიანი კორპუსის შესასვლელი ჩამოინგრა. საგანგებო სიტუაციების სამსახურში აცხადებენ, რომ დაინგრა 72 და დაზიანდა 230-ზე მეტი ბინა. ადგილობრივი სამხედრო ადმინისტრაციის ცნობით, დაიღუპა 29 ადამიანი, დაიჭრა - 73 და 40-ზე მეტის ბედი უცნობია.