ახალი ამბები

ჩეხეთის პარლამენტის წევრებმა მესამე მოსმენით დაამტკიცეს Lex Ukrajina VII-ის კანონპროექტი, რომელიც, სხვა საკითხებთან ერთად, რუსებს ჩეხეთის მოქალაქეობის მიღების შესაძლებლობას უზუღუდავს.

18 დეკემბერს, ჩეხურმა ონლაინ გამოცემა Novinky-მ განმარტა, ახლა ჩეხეთის პასპორტის მისაღებად მათ რუსეთის მოქალაქეობაზე უარის თქმა მოუწევთ.

როგორც რადიო თავისუფლება წერს, "შესწორება ასევე ითვალისწინებს 15 წელზე უფროსი ასაკის რუსებისთვის ჩეხეთის მოქალაქეობის მიღების ყველა განაცხადის სრულ გაყინვას განუსაზღვრელი ვადით - მათ შორის უკვე წარდგენილი განაცხადების."

"გამონაკლისები კეთდება იმ პირებისთვის, რომლებმაც მიიღეს თავშესაფარი ჩეხეთის რესპუბლიკაში, ასევე მათთვის, ვისაც ქვეყნის ხელისუფლების აზრით, დიდი მნიშვნელობა აქვს," - განმარტავს გამოცემა. "გამონაკლისი შესაძლებელია ჰუმანიტარული მიზეზებით."

საკანონმდებლო პაკეტის ნაწილია უკრაინელი ლტოლვილების დროებითი დაცვის გაგრძელება. აქამდე მოსალოდნელი იყო, რომ ვადა 2025 წლის 31 მარტს ამოეწურა. ახლა ეს ვადა ერთი წლით გახანგრძლივდა, კიდევ ერთი წლით გაგრძელების შესაძლებლობით.

ამასთან, ლტოლვილები, რომლებსაც აქვთ სტაბილური სამსახური და არ იღებენ დახმარებას სახელმწიფოსგან, შეძლებენ ხელისუფლებას მიმართონ სპეციალურ გრძელვადიან ბინადრობის ნებართვაზე. ხუთი წლის შემდეგ ისინი მუდმივ საცხოვრებელზე განაცხადის შეტანას შეძლებენ.

თავის მხრივ, ჩეხეთის შინაგან საქმეთა მინისტრმა ვიტ რაკუშანმა აღნიშნა, რომ "როდესაც ცეცხლის შეწყდება, ომის დასრულდება, დროებითი უზრუნველყოფა უნდა შეწყდეს."

გამოცემა Novinky-ს ცნობით, ამჟამად ჩეხეთში 380 000 უკრაინელი ლტოლვილი ცხოვრობს.