ახალი ამბები

ევროკავშირის ელჩები რუსეთის გაყინული აქტივებიდან მიღებული სარგებლის უკრაინის შეიარაღებული ძალებისთვის გადაცემაზე შეთანხმდნენ. 

ამის შესახებ ინფორმაციას ბელგიის მთავრობა ავრცელებს, რომელიც ამ დროისთვის გაერთიანების გაერთიანების თავმჯდომარე ქვეყნის სტატუსი აქვს. 

"ეს ფული მოხმარდება უკრაინის აღდგენას და სამხედრო დახმარებას რუსეთის აგრესიის კონტექსტში",- ნათქვამია ბელგიის მთავრობის განცხადებაში. 

კონტექსტი 

ევროკავშირში გაყინული რუსული აქტივებიდან მიღებული სარგებლის უკრაინის დასახმარებლად გამოყონების შესახებ გაერთიანებამ პრინციპულ თანხმობას მარტში, ბრიუსელში გამართულ სამიტზე მიაღწია. 

სხვადასხვა გათვლებით, ამ სქემის ფარგლებში კიევმა შესაძლოა ყოველწლიურად 2-3 მილიარდი ევრო მიიღოს. 

ცოტა ხნით ადრე ევროკომისიამ გასცა რეკომენდაცია, რომ აქედან მიღებული თანხის 90% უკრაინისთვის შეიარაღების შეძენაზე დახარჯულიყო, ხოლო 10% პროცენტი აღდგენით სამუშაოებზე. 

ზუსტი თანხა დამოკიდებული იქნება საბაზისო განაკვეთებზე, რადგანაც რუსეთის ეროვნული ბანკის კუთვნილი 210 მილიარდი ევროს აქტივები გაერთიანების წევრი სხვადასხვა ქვეყნის ბანკებსა და ვალუტებში ინახება.