ახალი ამბები

ევროპარლამენტის თავმჯდომარე დავიდ სასოლი 65 წლის ასაკში გარდაიცვალა.

სასოლის გარდაცვალება „იმუნური სისტემის სერიოზულ გართულებას“ უკავშირდება, ნათქვამია განცხადებაში, რომელსაც მისი პრეს-სპიკერი ავრცელებს.

65 წლის იტალიელი პოლიტიკოსი 26 დეკემბრიდან საავადმყოფოში იწვა. მანამდე, 2021 წლის სექტემბერი, მას ჰოსპიტალიზაცია პნევმონიის გამო მოუწია.

„დამწუხრებული ვარ დიდი ევროპელის და ამაყი იტალიელის დაკარგვით“, - განაცხადა ევროკომისიის პრეზიდენტმა ურსულა ფონ დერ ლაიენმა.

სასოლი, რომელმაც სახელი ჟურნალისტობით გაითქვა, ევროპარლამენტის წევრად პირველად 2009 წელს აირჩიეს.

ის მემარცხენე-ცენტრისტული სოციალისტთა და დემოკრატთა პროგრესული ალიანსის წევრი იყო.

2019 წელს ის ევროპარლამენტის - ევროკავშირის წარმომადგენლობითი ორგანოს - თავმჯდომარედ აირჩიეს.