ახალი ამბები

სომხეთის პრემიერ-მინისტრი ნიკოლ ფაშინიანი აზერბაიჯანს დუმილის რეჟიმის დარღვევის გამოსაძიებლად ორმხრივი მექანიზმის შექმნას სთავაზობს.

ამის შესახებ "რადიო თავისუფლების" სომხური რედაქცია წერს.

ნიკოლ ფაშინიანმა კომენტარი გააკეთა ერევნის წინააღმდეგ ბაქოს ბრალდებებზე, რომ სომეხმა სამხედროებმა თითქოს რამდენჯერმე დაარღვიეს ბოლო დღეებში ცეცხლის შეწყვეტის შეთანხმება.

მან თქვა, რომ ასეთი განცხადებები შეიძლება მიუთითებდეს "ან იმაზე, რომ ცეცხლის შეწყვეტის რეალურად დაირღვევა, ან რომ ასეთი ინფორმაცია არის ესკალაციის მცდელობა."

"როგორც პირველი, ასევე მეორე არ არის ჩვენი პოლიტიკური ნება, სომხეთის თავდაცვის სამინისტრო ამ ინფორმაციას უარყოფს, ვფიქრობ, რომ ჩვენ უნდა გამოვეხმაუროთ სიტუაციას. და იმისთვის, რომ სიმართლე არა მხოლოდ ცალმხრივად, არამედ საერთაშორისო საზოგადოებამაც გაიგოს, კარგი იქნება აზერბაიჯანთან ორმხრივი საგამოძიებო მექანიზმის შექმნა," - აღნიშნა სომხეთის პრემიერ-მინისტრმა.

მისი აზრით, თუ იარსებებს პოლიტიკური ნება და შესაბამისი შეთანხმებები, ასეთი მექანიზმის შექმნა რთული არ იქნება.

ბოლო დროს აზერბაიჯანი რეგულარულად აცხადებდა, რომ სომხეთმა აზერბაიჯანელი სამხედროების პოზიციები ნახიჩევანთან ახლოს დაბომბა. ბოლო ასეთი ბრალდება ერევანს 16 ივნისს წაუყენეს - ცეცხლსასროლი იარაღიდან, სავარაუდოდ, ღამის პირველ საათზე გაისროლეს.

სომხეთის თავდაცვის სამინისტრო ამ განცხადებებს დეზინფორმაციას უწოდებს. ევროკავშირის სადამკვირვებლო მისიამ განაცხადა, რომ მათ არ დაუფიქსირებიათ რაიმე უჩვეულო მოვლენა ან ინციდენტი აზერბაიჯანის საზღვარზე.

გასულ კვირას სომხეთში კვლავ საპროტესტო გამოსვლები იყო იმის გამო, რომ სომხეთთან საზღვარზე მდებარე ოთხი სოფელი აზერბაიჯანის კონტროლის ქვეშ გადავიდა, საზღვრის დელიმიტაციის შესახებ შეთანხმების შესაბამისად.