ახალი ამბები

დონალდ ტრამპის ადმინისტრაციამ უარი უთხრა ტაივანის პრეზიდენტს ნიუ-იორკში ტრანზიტულ ვიზიტზე - გადაწყვეტილებას წინ უძღოდა ჩინეთის მიერ გამოხატული უკმაყოფილება ლაი ჩინგ-ტეს გეგმებთან დაკავშირებით. 

State Of Play: ინფორმაციას ამის შესახებ ვითარებაში გაცნობიერებულ წყაროებზე დაყრდნობით Financial Times ავრცელებს - საუბარია ტაივანის პრეზიდენტის ტურზე პარაგვაიში, გუატემალასა და ბელიზეში, რომლებიც აღიარებენ ტაივანის დამოუკიდებლობას, მოგზაურობის ფარგლებში ლაი ჩინგ-ტეს ნიუ-იორკში გაჩერება სურდა.

• 28 ივლისს ტაივანის პრეზიდენტის კანცელარიამ გამოაქვეყნა ოფიციალური განცხადება, რომ ცოტა ხნის წინ მომხდარი ტაიფუნის შედეგებთან გამკლავების გამო უახლოეს მომავალში პრეზიდენტის საგარეო ვიზიტი არ იგეგმებოდა. 
• გაზეთის წყაროების ცნობით, დაგეგმილი ვიზიტები სწორედ ტრამპის ადმინისტრაციისგან ტრანზიტულ ვიზიტთან დაკავშირებით მიღებული უარის შემდეგ გაუქმდა. 
  
  
• ერთ-ერთი წყაროს ცნობით, ლაი ჩინგ-ტეს გუნდის წევრები კონსერვატიული ანალიტიკური ცენტრის Heritage Foundation-ის წარმომადგენელებს დაუკავშირდნენ და მათ ტაივანის პრეზიდენტის გამოსვლის ორგანიზება სთხოვეს. 
  
  
• ნიუ-იორკის გარდა იგეგმებოდა, ლაი ჩინგ-ტეს ვიზიტი დალასშიც - ჯერჯერობით უცნობია, ტრამპის ადმინისტრაციის უარი მხოლოდ ტრანზიტულ ვიზიტს ეხებოდა, თუ აკრძალვა შტატების საჰაერო სივრცის გამოყენებაზეც ვრცელდება. 
  
  

Big Picture: წყაროების ცნობით, ტაივანის პრეზიდენტის ვიზიტზე უარის მიზეზი დონალდ ტრამპის სურვილია "არ გააღიზიანოს პეკინი", მით უფრო მიმდინარე სავაჭრო მოლაპარაკებების დროს. 

• ჩინეთისა და შეერთებული შტატების მოლაპარაკებების მესამე რაუნდი 28 ივლისს შვეიცარიაში დაიწყო - შეთანხმების მისაღწევად ტრამპმა დროებით შეაჩერა საექსპორტო კონტროლის მოქმედებაც, რომელიც ჩინეთში მოწინავე კომპიუტერული ჩიპებისა და სხვა სენსიტიური ტექნოლოგიების ექსპორტს კრძალავს. 
  
  
• ამასთანავე წყაროები მიუთითებენ, რომ დონალდ ტრამპს სი ძინფინგთან შეხვედრა სურს და ამ კუთხით ტაივანის პრეზიდენტის ვიზიტი შესაძლოა პრობლემა გამხდარიყო. 

Context: ჩინეთი კატეგორიულად ეწინააღმდეგება ტაივანის წარმომადგენლების ვიზიტებს შეერთებულ შტატებში, რომელსაც არ აქვს ოფიციალური დიპლომატიური კავშირი ტაივანთან. 

• პროტესტის მიუხედავად 2023 წელს ბაიდენის ადმინისტრაციამ ტაივანის იმდროინდელ პრეზიდენტს, ცაი ინგ-ვენს ნიუ-იორკში ტრანზიტული ვიზიტის ნებართვა მისცა