ახალი ამბები

დონალდ ტრამპმა, ჰორმუზის სრუტეში ოპერაცია "პროექტი თავისუფლება" შეაჩერა.

დეტალურად: აშშ-ს პრეზიდენტის თქმით, პროექტი "მცირე დროით" შეჩერდა, რათა თეირანთან მშვიდობიანი მოლაპარაკებების შესაძლებლობები განიხილოს.

• ირანის საგარეო საქმეთა მინისტრმა, აბას არაღჩიმ ტრამპს უპასუხა, რომ თეირანი მხოლოდ "სამართლიან და ყოვლისმომცველ წინადადებას" დათანხმდება.
  
  
• ტრამპის განმარტებით პროექტი პაკისტანის თხოვნით ჩერდება, რომელიც ქვეყნებს შორის მომლაპარაკებლის როლს ასრულებს.
  
  
• "ბლოკადა ძალაში რჩება, ხოლო "პროექტი თავისუფლება" მცირე დროით გაჩერდება, რომ გავიგოთ, მიღწევადია თუ არა შეთანხმება".

ნარატივი: 4 მაისს დონალდ ტრამპი ირანს "მიწისაგან პირისა აღგვით" დაემუქრა, თუ თეირანი ამერიკული გემების გადაადგილებას შეაფერხებს.

• ტრამპის გადაწყვეტილებას წინ უძღოდა აშშ-ს სახელმწიფო მდივნის, მარკო რუბიოს განცხადება.
  
  
• "ჩვენ გვირჩევნია მშვიდობის გზა. პრეზიდენტი შეთანხმების დადებაზე თანახმაა". - თქვა რუბიომ.

კონტექსტი: "პროექტი თავისუფლება" აშშ-ს მიერ შემუშავებული სამხედრო ოპერაციაა, რომლის მთავარი მიზანი ჰორმუზის სრუტეში მიმოსვლის აღდგენაა.

• გეგმის მიხედვით, სამხედრო კონტინგენტმა სრუტეში გაჩერებული გემები უნდა გააცილოს და შესაძლო ირანული თავდასხმებისგან დაიცვას.
  
  
• ტრამპის განცხადების შემდეგ ნავთობის ფასმა ოდნავ, დაახლოებით 1.7%-ით დაიწია.