ახალი ამბები

ჩინეთში სასიკვდილო განაჩენი გამოუტანეს თავდაცვის 2 ყოფილ მინისტრს, ლი შანგფუსა და ვეი ხენფეს, მათ ბრალი ედებოდათ კორუფციაში. 

ვითარების არსი: განაჩენის შესახებ ინფორმაციას ჩინეთის სახელმწიფო მედია ავრცელებს. 

• სასიკვდილო განაჩენი ჩინეთში როგორც წესი აღსრულების 2-წლიანი დაყოვნებით გამოაქვთ, რაც ნიშნავს, რომ ამის შემდეგ განაჩენი შეიცვლება სამუდამო პატიმრობით ვადაზე ადრე გათავისუფლების უფლების გარეშე. 
  
  
• სახელმწიფო მოახდენს შანგფუსა და ხენფეს ქონების სრულ კონფისკაციას. 

ჩაშლილად: ვეი ხენფეს თავდაცვის მინისტრის პოსტს 2018-2023 წლებში იკავებდა, ის სწორედ ლი შანგუმ შეცვალა, რომელმაც თანამდებობაზე სულ რამდენიმე თვე გაძლო. 

• ეს ჩინეთის სახალხო-გამათავისუფლებელი არმიის უმაღლეს ეშელონებში მიმდინარე საკადრო წმენდის ჯერჯერობით ბოლო ეპიზოდია. 

დიდი სურათი: გასულ თვეებში თანამდებობიდან გადააყენეს და გამოძიება დაიწყეს ჩინეთის სამხედრო იერარქიის უმაღლეს ჩინზე, ჭან იოსუიაზე, რომელიც ცენტრალურ სამხედრო საბჭოს სი ძინფინგის უფროსი მოადგილის პოსტს იკავებდა. 

• წმენდების შედეგად ცენტრალურ სამხედრო საბჭოში, რომელიც როგორც წესი 7 ადამიანისგან შედგება, სი ძინფინგის გარდა მხოლოდ 1 ადამიანი დარჩა - ანტი-კორუფციული მიმართულების კურატორი, გენერალურ ჭანგ შენგმინი. 

კონტექსტი: გასულ თებერვალში სი ძინფინგმა განაცხადა, რომ არმიამ კორუფციასთან ბრძოლის საქმეში რევოლუციური გამოცდილება მიიღო. 

• თავისი მმართველობის თითქმის 14 წლის განმავლობაში სი ძინფინგი არაერთი მასშტაბური ანტი-კორუფციული კამპანიის ინიციატორი იყო - სინოლოგების შეფასებით, კორუფციასთან ერთად ჩინეთის ლიდერი ამ მეთოდით პოლიტიკურ ოპონენტებსაც ებრძვის.