G7-ს სურს გაზარდოს ზეწოლა ბანკებზე, რომლებიც რუსეთს სანქციებისგან თავის არიდებაში ეხმარებიან
![](https://realpolitika.ge/storage/images/cache/900x440/unnamed.jpg)
დიდი შვიდეულის (G7) ქვეყნები და ევროკავშირი ეძებენ გზებს იმ ბანკებზე ზეწოლის გასაზრდელად, რომლებიც რუსეთს არსებული სანქციების თავიდან არიდებაში ეხმარებიან. ეს ივნისის შუა რიცხვებში დიდი შვიდეულის სამიტის ერთ-ერთი თემა იქნება.
ამის შესახებ Bloomberg ინფორმირებულ წყაროზე დაყრდნობით წერს.
G7-ის ზოგიერთი ქვეყანა განიხილავს ზომებს მესამე ქვეყნის ფინანსური ინსტიტუტების მიმართ, რომლებიც იყენებენ СПФС-ს, რუსეთის ცენტრალური ბანკის ფინანსური შეტყობინებების სისტემას, რომელიც SWIFT-ის მსგავსია.
Bloomberg-ის ერთ-ერთმა წყარომ აღნიშნა, რომ СПФС სისტემას 150-ზე მეტი უცხოური ბანკი იყენებს 20-მდე ქვეყანაში, მათ შორის ბელორუსში, სომხეთში, ყაზახეთში, ჩინეთსა და ტაჯიკეთში. СПФС-ის გამოყენება 2023 წელს სამჯერ გაიზარდა, 2022 წელთან შედარებით.
გამოცემის ცნობით, ევროკომისია განიხილავს ამ სისტემის სანქცირებას, მაგრამ ევროკავშირის რამდენიმე ქვეყანა ეწინააღმდეგება СПФС-ის სრულ აკრძალვას, რადგან ასეთმა ნაბიჯმა შეიძლება ზიანი მიაყენოს ურთიერთობებს მესამე ქვეყნებთან.
ალტერნატიული წინადადებები, რომლებიც შეამცირებს სანქციების თავიდან არიდების შესაძლებლობას, მიმართული იქნება კონკრეტულ ბანკებზე, რომლებიც ეხმარებიან მოსკოვს.
Bloomberg-ის ცნობით, დისკუსია იტალიაში G7-ის სამიტამდე გაგრძელდება, სადაც ლიდერები აპირებენ შეთანხმდნენ სხვადასხვა ზომებზე, რათა უკეთესად აღასრულონ რუსეთისთვის დაწესებული სანქციები.
ამასთანავე, G7 იმედოვნებს, რომ შეთანხმებას შეძლებს გაყინული რუსული აქტივების შემოსავლების უკრაინის დასახმარებლად გამოყენებაზე.