ახალი ამბები

გაერთიანებული არაბული საამიროების პრეზიდენტი შეიხი ხალიფა ბინ ზაიდ ან-ნაჰაიანი 73 წლის ასაკში გარდაიცვალა, წერს ადგილობრივი მედია.

შეიხი ხალიფა ჯანმრთელობის გართულებული მდგომაროების გამო ქვეყნის მართვაში არ მონაწილეობდა.

რეგენტის როლს ხალიფას ნახევარ-ძმა, აბუ დაბის ტახტის მემკვიდრე მუჰამად ბინ ზაიდი ასრულებდა, რომელიც ახლო აღმოსავლეთის ერთ-ერთ ყველაზე გავლენიან ფიგურად მიიჩნევა.

შეიხმა ხალიფამ ძალაუფლება ხელში მამის, შეიხ ზაიდის გარდაცვალების შემდეგ, 2004 წელს აიღო.

2014 წელს მან ინფარქტი გადაიტანა, რომლის შემდეგაც საჯარო სივრცეში თითქმის არ გამოჩენილა.