ახალი ამბები

სენატორ ლინდსი გრემის თქმით, დონალდ ტრამპმა მწვანე შუქი აუნთო რუსეთის სანქცირების ორპარტიულ კანონპროექტს. 

ვითარების არსი: ამის შესახებ რესპუბლიკელი სენატორი სოციალურ ქსელ X-ზე (ყოფილ ტვიტერი) წერს. 

• "სხვადასხვა საკითხზე დონალდ ტრამპთან გამართული ძალიან პროდუქტიული შეხვედრის შემდეგ მან მწვანე შუქი აუნთო ორპარტიულ ინიციატივას რუსეთის სანქცირების შესახებ, რომელზეც სენატორ ბლუმენტალთან ერთად რამდენიმე თვის განმავლობაში ვმუშაობდით"- წერს გრემი. 
  
  
• სენატორის თქმით, ტრამპის გადაწყვეტილება დროულია, რადგანაც "უკრაინა მზად არის დათმობებისთვის მშვიდობის მისაღწევად, ხოლო პუტინი მხოლოდ ლაპარაკობს და აგრძელებს მშვიდობიანი უკრაინელების მკვლელობას." 

ჩაშლილად: გრემის თქმით, აქტი საშუალებას მისცემს ამერიკის პრეზიდენტს იქონიოს გავლენა ისეთი ქვეყნების ქცევაზე, რომლებიც იაფი რუსული ნავთობის შეძენით აფინანსებენ რუსეთის საომარი მანქანის დაფინანსებას. 

• "მოუთმენლად ველოდები მძლავრ, ორპარტიულ კენჭისყრას, რომელიც ვიმედოვნებ უკვე მომდევნო კვირას შედგება"- ნათქვამია გრემის განცხადებაში. 

წინარეისტორია: გრემის განცხადებას წინ უძღოდა ამერიკელი სამხედროების მიერ ატლანტის ოკეანის ჩრდილოეთში რუსეთის დროში ქვეშ მცურავი სანქცირებული ტანკერის დაპატიმრება. 

• ვენესუელაში განხორციელებული სპეცოპერაციის კომენტირებისას ტრამპმა კიდევ ერთხელ განაცხადა, რომ "არ არის აღფრთოვანებული პუტინით, რადგანაც ის ძალიან ბევრ ადამიანს კლავს."
  
  
• 7 იანვარს ჟურნალისტებთან ურთიერთობისას ტრამპმა განაცხადა, რომ მისი ჩარევის გარეშე რუსეთი მთელ უკრაინას დაიკავებდა. 

კონტექსტი: სენატში უკვე რეგისტრირებულია რუსეთის სანქცირების რამდენიმე აქტი, მათ შორის ერთ-ერთია ლინდსი გრემისა და რიჩარდ ბლუმენტალის ერთობლივი ინიციატივა, რომელიც რუსული ნავთობის შემსყიდველი ქვეყნებისთვის 100%-იანი საბაჟო ტარიფების დაწესებას ითვალისწინებს. 

• ამერიკული პრესის ცნობით, მყარი ორპარტიული მხარდაჭერის მიუხედევად ახალი სანქციების დაწესება ამ დრომდე სწორედ თეთრი სახლის წინააღმდეგობის გამო ჭიანურდებოდა.