ახალი ამბები

ჰამასის ერთ-ერთმა ყველაზე გავლენიანმა ლიდერმა განაცხადა, რომ ორგანიზაცია მზად არის მძევლები ისრაელის მიერ დაპატიმრებულ ჰამასის წევრებში გაცვალონ. 

7 ოქტომბრის შემდეგ ეს იაჰია სინვარის პირველი საჯარო განცხადებაა - სინვარი ღაზის სექტორში ჰამასის უპირობო ლიდერია. საყურადღებოა, რომ თავად სინვარი 2011 წელს მსგავსი გაცვლის შედეგად გათავისუფლდა - ისრაელის ციხეში 20-წლიანი პატიმრობის შემდეგ, სინვარი 1026 სხვა პატიმართან ერთად ისრაელმა ჰამასის მიერ დატყვევებულ სერჟანტ, გილად შალიტში გაცვალა. 

"ჩვენ მზად ვართ დაუყოვნებლივი შეთანხმებისთვის - გავცვალოთ სიონისტი მტრების მიერ ყველა დაპატიმრებული გავცვალოთ ყველა მძევალში",- ნათქვამია ჰამასის ოფიციალურ ვებ-გვერდზე გამოქყვეყნებულ განცხადებაში. 

კონტექსტი 

ბოლო მონაცემებით ჰამასის ტყვეობაში 229 ადამიანი იმყოფება, მათ შორის არიან უცხოეთის მოქალაქეები, მშვიდობიანი მოქალაქეები და სამხედროები. თავის მხრივ ისრაელის საპატიმროებში ჰამასთან დაკავშირებული ბრალდებებით 4 ათასზე მეტი პირი იმყოფება. 

ისრაელში ჯერჯერობით გამორიცხეს სინვარის წინადადაბის განხილვაც კი  - მთავრობის წარმომადგენლების თქმით, ამ ეტაპზე მოლაპარაკებებზე წასვლა ჰამასს გააძლიერებს.