ახალი ამბები

ინდოეთის უმსხვილესი სანავთობო კორპორაციები ტრამპის განცხადების შემდეგ რუსული ნავთობის შესყიდვების შესამცირებლად ემზადებიან - ამერიკელი პრეზიდენტის თქმით, ინდოეთის პრემიერ-მინისტრმა განუცხადა, რომ ქვეყანა შეწყვეტს რუსული ნავთობის შესყიდვა. 

ვითარების არსი: ინფორმაციას ამის შესახებ საკუთარ წყაროებზე დაყრდნობით საინფორმაციო სააგენტო Reuters ავრცელებს. 

• წყაროების ცნობით, ამ დროისთვის ინდოეთის ვაჭრობის სამინისტროს დელეგაცია ვაშინგტონში სავაჭრო მოლაპარაკებებზე იმყოფება, რომელიც თავის მხრივ აგვისტოში დონალდ ტრამპის მიერ რუსული ნავთობის შესყიდვის მიზეზით დაწესებულ საბაჟო ტარიფებს უკავშირდება. 
  
  
• მოლაპარაკებებში მონაწილე ამერიკელი ჩინოვნიკების თქმით, ვაშინგტონის მთავარი წინაპირობა ინდოეთთან ახალი სავაჭრო შეთანხმების გასაფორმებლად რუსული ნავთობის შესყიდვის შემცირება იქნება. 
  
  

დიდი სურათი: ინდოეთის საგარეო საქმეთა სამინისტროს მიერ გავრცელებულ განცხადებაში ნათქვამია, რომ ნიუ-დელის 2 მთავარი მიზანი აქვს: ენერგომატარებლებზე სტაბილური ფასები და შეუფერხებელი მომარაგება. 

• საგარეო უწყების განცხადებაში არაფერია ნათქვამია დონალდ ტრამპის კომენტარზე, თუმცა აღნიშნულია, რომ ინდოეთი ამერიკასთან ენერგეტიკის სფეროში თანამშრომლობის გაფართოებას გეგმავს. 

ჩაშლილად: Reuters-ის წყაროების ცნობით, ქვეყნის უმსხვილესი ნავთობ გადამამუშავებელი საწარმოები რუსული ნედლეულის შესყიდვების ეტაპობრივ შემცირებას გეგმავენ, თუმცა მთავრობისგან შესაბამისი დირექტივა ჯერ არ მიუღიათ. 

• წყაროების ცნობით, რუსული ნავთობის სწრაფად ჩანაცვლება რთული იქნება და ინფლაციის რისკს შექმნის. 
  
  
• მიმდინარე წლის აპრილ-სექტემბერში ინდოეთი რუსეთისგან ყოველდღიურად საშუალოდ 1.75 მილიონ ბარელ ნავთობს ყიდულობდა. 
  
  
• ამასთანავე ნავთობის ჯამურ იმპორტში რუსეთის წილი წინა წლის ანალოგიურ პერიოდთან შედარებით 40-დან 36%-მდეა შემცირებული. 
  
  
• ამავე პერიოდში ინდოეთმა დაახლოებით 7%-ით გაზარდა ამერიკული ნავთობის შესყიდვები (213 ათასი ბარელი ყოველდღიურად) - ამერიკის წილი ჯამურ ომპორტში 4.3%-მდე გაიზარდა. 
  
  

კონტექსტი: უკრაინაში სრულმასშტაბიანი შეჭრის დაწყებისა და სანქციების შემდეგ ინდოეთი და ჩინეთი რუსული ნავთობის უმსხვილესი შემსყიდველები არიან. 

• სხვადასხვა მონაცემებით, რუსული ნავთობის ექსპორტში ინდოეთისა და ჩინეთის კომბინირებული წილი 70%-ს აღემატება.