ახალი ამბები

ჯანდაცვის მსოფლიო ორგანიზაციამ ავტორიზაცია მისცა კოვაქსინს - კორონავირუსის საწინააღმდეგო ინდური წარმოების ვაქცინას.

ჯანმოს თანახმად, კომპანია Bharat Biotech-ის წარმოებული ვაქცინის ორი დოზა კოვიდ-19-ს 78 %-ანი ეფექტიანობით უმკლავდება.

„კოვაქსინი განსაკუთრებით ხელმისაწვდომი იქნება დაბალი და საშუალო შემოსავლების მქონე ქვეყნებისთვის, რომლებიც ვაქცინის დეფიციტს განიცდიან“, - ნათქვამია ჯანმოს განცხადებაში.

მარტში კოვაქსინით აიცრა ინდოეთის პრემიერი ნარენდრა მოდი.

კოვაქსინი უკვე კორონავირუსის საწინააღმდეგო მერვე ვაქცინაა, რომელმაც ჯანმოს ნებართვა მიიღო.