ახალი ამბები

კიევის სააპელაციო სასამართლომ ოლიგარქ იგორ კოლომოისკის აღმკვეთი ღონისძიება ნაწილობრივ შეუცვალა - ის პატიმრობაში 2023 წლის 2 დეკემბრამდე დარჩება. ამასთან, სასამართლომ გირაოს ოდენობა 3 მილიარდ 891 მილიონი ჰრივნიდან 3 მილიარდ 712 ათასამდე შეამცირა.

ამის შესახებ Суспільне წერს.

პროკურორმა აღმკვეთი ღონისძიების უცვლელად დატოვება მოითხოვა.

"შეიძლება მიიღონ ზომები მტკიცებულებების განადგურების, ჯანმრთელობის გაუარესების მიზნით, ეს საკითხი რამდენჯერმე განიხილებოდა. გთხოვთ, დატოვოთ ყველა გადაწყვეტილება," - განაცხადა პროკურორმა.

"კოლომოისკიმ სასამართლოზე ისაუბრა და ეჭვს ფიქტიური უწოდა, აღმკვეთი ღონისძიების მოხსნა მოითხოვა, ასევე განაცხადა, რომ საქმეში არიან დაინტერესებული პირები და რომ არა ისინი, საქმე არ აღიძრებოდა. კოლომოისკიმ უარი თქვა ჟურნალისტებთან კომუნიკაციაზე," - წერს Суспільне.

კოლომოისკის ადვოკატები აღმკვეთი ღონისძიების შინაპატიმრობით შეცვლას ითხოვდნენ.

"არ არსებობს რისკები, რაზეც საუბრობენ, იგორ ვალერის ძე საზღვარგარეთ არ წავა, ის 2020 წლიდან უკრაინაში იმყოფება. მოვდივართ მის სანახავად წინასწარი დაკავების იზოლატორში და ვნახულობთ, როგორ იცვლება მისი ჯანმრთელობის მდგომარეობა." - განაცხადა ადვოკატმა.