ახალი ამბები

უკრაინაში რუსეთის სრულმასშტაბიანი ინტერვენციის დაწყებიდან, ოკუპანტებმა უკრაინის ქალაქების 30 მერი გაიტაცეს. ამის შესახებ უკრაინის ქალაქების ასოციაციის ხელმძღვანელმა, კიევის მერმა ვიტალი კლიჩკომ Der Spiegel-თან ინტერვიუში განაცხადა.

"მერები ყველგან იყვნენ სამიზნეები. რუსები ცდილობდნენ მერების დაპატიმრებას და სხვადასხვა მეთოდების გამოყენებას მათ გადასაბირებლად. 30-ზე მეტი მერი გაიტაცეს მთელი ქვეყნის მასშტაბით, რომლებიც დარჩნენ თავიანთ ქალაქებში. შვიდი მათგანი დღემდე უგზო-უკვლოდ დაკარგულად ითვლება", - თქვა მან.

კიევის მერის თქმით, ხელისუფლებამ ადგილობრივ მოხელეებს მკაფიო პასუხი არ გასცა, დატოვონ თუ არა ქალაქი პოტენციური ოკუპაციის შემთხვევაში.

"სიტუაცია რთული იყო: თუ დარჩები შენს თემთან, მოღალატე ხარ... ჩვენ ხელისუფლებას რამდენჯერმე ვთხოვეთ მითითება: დარჩენა თუ ევაკუაცია? მაგრამ მკაფიო პასუხი არ მიგვიღია", - დასძინა კლიჩკომ.