ახალი ამბები

ლატვიის სახელმწიფო უსაფრთხოების სამსახურმა ტაქსის მძღოლი დააკავა, რომელიც რუსეთის სასარგებლოდ ჯაშუშობაშია ეჭვმიტანილი.

ამ ინფორმაციას Delfi ავრცელებს.

უშიშროების ძალები ეჭვმიტანილს ბრალს სდებენ, რომ ის, როგორც ტელეგრამის ჯგუფი "ბალტიის ქვეყნების ანტიფაშისტების" წევრი, სისტემატურად და მიზანმიმართულად აგროვებდა და თემის წევრებს გადასცემდა ინფორმაციას, რომელიც შეიძლება ლატვიის ეროვნული უსაფრთხოების ინტერესების წინააღმდეგ გამოეყენებინათ. 

Delfi-ს ცნობით, მამაკაცის სახლში იპოვეს რამდენიმე მედიასაშუალება, ასევე მისი პრორუსული იდეოლოგიური მრწამსის დამადასტურებელი სიმბოლოები, როგორიცაა რუსეთისა და სსრკ-ის დროშები. 17 აგვისტოს სასამართლომ ეჭვმიტანილი უსაფრთხოების ღონისძიების სახით, სახელმწიფო უსაფრთხოების სამსახურის დაჟინებული მოთხოვნით დააკავა.

სახელმწიფო უსაფრთხოების სამსახურმა განაცხადა, რომ გამოძიების დროს "დადგინდა, რომ ლატვიის კონკრეტული მოქალაქე რეგულარულ კომუნიკაციას აწარმოებდა ბალტიისპირეთის ქვეყნების კრიმინალური ორგანიზაციის, ანტიფაშისტების წევრებთან."

მათი თქმით, მან "მათ გაუგზავნა ინფორმაცია ლატვიის ტერიტორიაზე მოკავშირე სახელმწიფოების შეიარაღებული ძალების პერსონალისა და აღჭურვილობის, პორტისა და აეროპორტის ინფრასტრუქტურის, ნავთობის ტერმინალების, დრონების ტესტირების ადგილის, აგრეთვე სხვა სტრატეგიულად მნიშვნელოვანი ობიექტების შესახებ."

გარდა ამისა, ბრალდებული ეჭვმიტანილია ე.წ. "ბალტიისპირეთის ანტიფაშისტებისტებისთვის" ინფორმაციის მიწოდებისთვის "ლატვიაში მყოფი პირებისა და კომპანიების შესახებ, რომლებიც მხარს უჭერენ უკრაინას და ეწინააღმდეგებიან რუსეთის აგრესიას."

"ტაქსის მძღოლი მოქმედებდა როგორც საკუთარი ინიციატივით, ასევე "ბალტიისპირეთის ანტიფაშისტების" კონკრეტული ამოცანების შესრულებისას. ინფორმაციის შეგროვებას ხელი შეუწყო ტაქსის მძღოლად მუშაობამ, რადგან ის ხშირად გადაადგილდებოდა აეროპორტის, პორტისა და სხვა სტრატეგიულად მნიშვნელოვანი ობიექტების სიახლოვეს." - წერს გამოცემა.