მოლდოვის პრემიერის თქმით, რუსებს ქვეყანაში შეჭრისთვის საკმარისი რესურსი არ აქვთ
რუსეთს მოლდოვაში შეჭრის ორგანიზებისთვის საკმარისი რესურსი არ აქვს. ამის შესახებ 1 მარტს მოლდოვის პრემიერ-მინისტრმა დორინ რეჩანმა განაცხადა, წერს მოლდოვური გამოცემა NewsMaker.
მან აღნიშნა, რომ რუსეთი "ძალიან შორს" არის მოლდოვისგან და ორ ქვეყანას შორის უკრაინაა.
"რუსეთს ესკალაციისთვის საკმარისი რესურსი არ აქვს. ასევე ნათელია, რომ რუსეთს არ შეუძლია მოლდოვაში სამხედრო გზით შეჭრა. მეორე მხრივ, მოლდოვას აქვს საკმარისი პოტენციალი დნესტრისპირეთში შესაძლო ესკალაციისთვის. და დნესტრისპირეთის რეგიონი, ისევე როგორც ჩვენ, ვესწრაფვით მშვიდობისა და სტაბილურობას", - განაცხადა რეჩანმა.
ამასთან, მან ხაზი გაუსვა, რომ რუსები ჰიბრიდულ ომს აწარმოებენ.
"არის პროპაგანდა, დეზინფორმაცია, გარკვეული ომის მომხრე ნარატივების გავრცელება. მაგრამ დარწმუნებული ვარ, რომ ისინი წარმატებას ვერ მიაღწევენ. ეს ტალღები უფრო საინფორმაციო ომის ნაწილია, ვიდრე რეალური საფრთხე", - აღნიშნა რეჩანმა.
მან ასევე დაამატა, რომ მოლდოვის ტერიტორიას უკრაინის საჰაერო თავდაცვის სისტემები იცავენ.
.jpg)
