ახალი ამბები

3 სექტემბრის ღამეს რუსებმა ოდესის რეგიონის სამხრეთს 25 Shahed-136/131-ის დრონით შეუტიეს. უკრაინის საჰაერო ძალებმა 22 უპილოტო საფრენი აპარატი გაანადგურა.

ამ ინფორმაციას უკრაინის საჰაერო ძალები ავრცელებს.

დაზიანდა პორტის ინფრასტრუქტურა და დაშავდა ორი მშვიდობიანი მოქალაქე.

"2023 წლის 3 სექტემბრის ღამეს რუსმა დამპყრობლებმა შეტევის რამდენიმე ტალღა განახორციელეს Shahed-136/131-ის უპილოტო საფრენი აპარატებით სამხრეთიდან და სამხრეთ-აღმოსავლეთიდან." - ვკითხულობთ განცხადებაში.

გავრცელებული ინფორმაციით, სულ 25 უპილოტო საფრენი აპარატი Shahed-136/131 დაფიქსირდა, რომლებიც ოდესის რეგიონის სამხრეთ რაიონებს დაესხნენ თავს.

22 დრონი უკრაინის საჰაერო ძალებმა, უკრაინის თავდაცვის ძალების სხვა კომპონენტების საჰაერო თავდაცვასთან თანამშრომლობით, გაანადგურა.