ახალი ამბები

ბაიდენის მრჩეველი ჯეიკ სალივანი არ ეთანხმება მოსაზრებას, რომ უკრაინაში ომი თითქოს ჩიხში შევიდა.

ამის შესახებ Reuters წერს.

სალივანის თქმით, შეერთებულმა შტატებმა თავიდანვე ნათლად გააცნობიერა, რომ უკრაინაში ბრძოლის ველი ძალიან დინამიურია: "ორივე მხრიდან არის თავდასხმები და თავდაცვა ფრონტის ძალიან გრძელი ხაზის გასწვრივ ბევრ ადგილას."

"ჩვენ ვხედავთ, რომ ის (უკრაინა. - რედ.) აგრძელებს ტერიტორიების დაბრუნებას მეთოდურად, სისტემატურ საფუძველზე," - აღნიშნა მან.

გასული კვირის ბოლოს, The Washington Post-მა, ამერიკული დაზვერვის წყაროებზე დაყრდნობით დაწერა, რომ კონტრშეტევითი ოპერაციების დროს უკრაინა, სავარაუდოდ, ვერ მიაღწევს მთავარ მიზანს - ქალაქ მელიტოპოლის აღებას.

ამაზე ეროვნული უსაფრთხოების საკითხებში ბაიდენის მრჩეველმა განაცხადა, რომ უკრაინაში ბრძოლის ველზე ვითარება მუდმივად იცვლება და შეერთებულ შტატებს უკრაინული ძალების წარმატების უნარის სჯერა.