ახალი ამბები

ამერიკელი პრეზიდენტის რიტორიკის გამკაცრების შემდეგ დამყარებული დუმილი ვლადიმირ პუტინმა 28 ივლისს, ვალაამის სამონასტრო კომპლექსიდან დაარღვია და კიდევ ერთხელ მოითხოვა კონფლიქტის პირველადი მიზეზების გადაჭრა. 

State Of Play: აღნიშნული განცხადების ლოკაცია რამდენიმე ფაქტორის გამოა საგულისხმო - არაერთი წყაროს ცნობით, სწორედ ვალაამის მონასტერს შეაფარა თავი ვლადიმირ პუტინმა 90-იანი წლების მეორე ნახევარში, მას შემდეგ რაც რუსეთის გენერალურ პროკურატურამ პუტინის უფროსისა და პეტერბუგის ყოფილი მერის, ანატოლი სობჩაკის წინააღმდეგ საქმე აღძრა. 

• გაპრეზიდენტების შემდეგ ვლადიმირ პუტინი პრაქტიკულად ყოველწლიურად და თითქმის ერთი და იმავე მონაკვეთში სტუმრობს ლადოჟის ტბაში მდებარეობს - წყაროების ცნობით, ვლადიმირ პუტინს კუნძულთან და მასზე მდებარე სტავროპოლიგიალურ  მონასტერთან შესაძლოა განსაკუთრებული (რედ. მისტიური) დამოკიდებულება ჩამოყალიბებოდა. 
  
  
• აქედან გამომდინარე დონალდ ტრამპის გამწვავებულ რიტორიკას მოყოლილი, მოცულობითი პაუზის დარღვევისთვის, ვალაამის მონასტრის პრეს-კონფერენციის პლატფორმად გამოყონება შემთხვევითი არ არის. 
  
  

Big Picture: ვალაამის მონასტრის მიმართ რუსეთის პრეზიდენტის განსაკუთრებულ დამოკიდებულაზე წერენ დამოუკიდებელი რუსი ჟურნალისტები, რომან ბადანინი და მიხაილ რუბინი თავიანთ ახალ წიგნში - Царь собственной персоной. 

• 1990-იან წლებში ვლადიმირ პუტინთან დაახლოებული წყაროს ცნობით, 96 წლის სანქტ-პეტერბურგის მერის არჩევნებში მისი უფროსის, ანატოლი სობჩაკის მოულოდნელი მარცხის შემდეგ, გენერალურმა პროკურატურის გამომძიებლები პეტერბურგში ჩავიდნენ - კანონთან შესაძლო პრობლემებით შეშინებულმა ვლადიმირ პუტინმა კი რამდენიმე დღით თავი სწორედ ვალაამის მონასტერს შეაფარა. 
  
  
• XV საუკუნეში აგებული კაცთა მონასტერი გასული საუკუნის მიწურულს ძალიან ცუდ მდგომარეობაში იმყოფებოდა - წყაროების ცნობით, ამ დროისთვის კელიებს სასულიერო პირებთან მეორე მსოფლიოს გადასახალებული ინვალიდი ვეტერანები და სამართლებრივი პრობლემების მქონე იყოფდნენ. 
  
  
• რუსი ბიზნესმენის, ილია პოპოვის ცნობით, რომელიმე რამდენიმე ათწლეულია მონასტერს ფინანსურად ეხმარება 90-იანებში კუნძულზე ლოთობა, ნარკომანია და სიღატაიკე იყო. 
  
  
• წყაროების ცნობით, ვალაამის მონასტერს პუტინი პირველად სწორედ ივლისის მიწურულს ეწვია - 2000 წლიდან მოყოლებული კუნძულზე პუტინის ვიზიტი პრაქტიკულად ყოველთვის ამავე მონაკვეთს ემთხვევა. 
  
  

Break It Down: თავის მხრივ, ბადანანი და რუბინი არ გამორიცხავენ, რომ მონასტერში გაქცევის ისტორია რუსეთის მმართველებისთვის დამახასიათებელი, სპეციალურად გავრცელებული აპოკიფრი იყოს - თუმცა ვალაამთან პუტინის განსაკუთრებულ დამოკიდებულებაზე სხვა ფაქტორებიდანაც შეგვიძლია ვიმსჯელოთ. 

• მკაცრად გაწერილი და თითქმის უცვლელი ვიზიტის დროის გარდა, საყურადღებოა, რომ კუნძულზე რამდენიმე წლის წინ სპეციალურად რუსეთის პრეზიდენტისთვის აშენდა ე.წ. სკიტი - ადგილი, რომელშიც პუტინი მონასტერში ვიზიტის დროს რჩება. 
  
  
• 2008 წელს აშენდა ახალი ეკლესიაც, რომელიც ძველი რუსი წმინდანის ვლადიმირისა და ჩეხი მოწამის, ლუდმილას სახეობისაა - ეკლესიაში ნამყოფი ადამიანები ამბობენ, რომ სინამდვილეში ეკლესია ვლადიმირ პუტინისა და მის აწ უკვე ყოფილ ცოლის, ლუდმილას სახელობისაა.
• ამაზე მეტყველებს ისიც, რომ რუსეთის პრეზიდენტის გარემოცვის უახლოესმა წევრებმა გასულ წლებში ვალაამის მონასტრის ირგვლივ მოცულობითი მიწები და უძრავი ქონება შეიძინეს. 
  
  
• ამავე მონასტერში მსახურობდა ვლადიმირ პუტინისა და მისი პირადი მეგობრების მიერ დიდ ავტორიტეტად მიჩნეული ბერი, მეთოდე (ერისკაცობაში ვენკო პეტკოვი) - აღნიშნული სასულიერო პირი ცნობილი მას შემდეგ გახდა, რაც 2012 წელს პუტინის ვიზიტის დროს პრეზიდენტს ხელზე ემთხვია. 
  
  
• რუსეთის მართლმადიდებლური ეკლესიის წესების მიხედვით, ერისკაცების მიმართ მსგავსი ჟესტები არ არის მიღებული - იმდროინდელ კადრებზე ჩანს, რომ პუტინი ხელის გამოწევას ცდილობს, მაგრამ ბერი აგრძელებს ამბორს. 
  
  
• 2021 წელს მეთოდეს გარდაცვალების შემდეგ, ვლადიმირ პუტინი მის საფლავზე იმყოფებოდა. 

Context: წიგნის მიხედვით, ვალაამზე პუტინის პირველი ვიზიტის ორგანიზატორი შესაძლოა 1990-იანების პეტერბურგში ცნობილი და გავლენიანი კრიმინალური ავტორიტეტი რომან ცეპოვი (დაბადებით ბეილენსონი) ყოფილიყო. 

• ცეპოვი ფლობდა კერძო დაცვის კომპანიას, რომელიც უზრუნველყოფა იმ დროს ქალაქის მერის მოადგილის, ვლადიმირ პუტინის დაცვას, რომელსაც კანონის მიხედვით სახელმწიფო დაცვა არ ეკუთვნოდა. 
  
  
• წყაროების ცნობით, ცეპოვი წლების განმავლობაში წარმოადგენდა პუტინის მთავარ შუამავალს განგსტერებთან მოლაპარაკებებსა და ბიზნეს საქმიანობის პროცესში. 
  
  
• ცეპოვი 2004 წელს სანტ-პეტერბურგში უსაფრთხოების ფედერალური სამსახურის სამმართველოში შენობიდან გამოსვლის შემდეგ მძიმედ დაავადდა - მას გამოუვლინდა სხივური დაავადებისა და რადიაციის ნიშნები. 
  
  
• ცეპოვის ავადმყოფობისა და გარდაცვალების სიმპტომები ჰგავდა 2006 წელს ბრიტანეთში გაქცეული FSB-ს პოლკოვნიკისა და პუტინის კრიტიკოსის, ალექსანდრ ლიტვინენკოს შემთხვევას. 
  
  
• ბრიტანეთში ჩატარებული გამოძიების მიხედვით, ლიტვინენკო პოლონიუმით გაზავებული ჩაის დალევის შემდეგ დააავადდა - რუსული მედიის ცნობით, სწორედ ჩაი დალია FSB-ს შენობაში, მეგობართან მყოფმა, რომან ცეპოვმაც.