ახალი ამბები

დღეს უკრაინას მილიონზე მეტი ადამიანი იცავს. ამის შესახებ უკრაინის თავდაცვის მინისტრმა ოლექსი რეზნიკოვმა ონლაინ კონფერენციაზე განაცხადა, წერს "Укринформ".

მისი თქმით, დღეს მობილიზებულია 700 000-მდე სამხედრო, 90 000-მდე ეროვნული გვარდიის ჯარისკაცი, 60 000-მდე მესაზღვრე და 100 000-მდე ეროვნული პოლიციის თანამშრომელი.

მინისტრის თქმით, უკრაინაში უახლოეს მომავალში სამხედრო-სამრეწველო კომპლექსში ერთობლივი საწარმოების შექმნა აქტუალური იქნება, რადგან დაახლოებით 1 მილიონი ადამიანის საჭიროებების დასაკმაყოფილებლად სერიოზული სამრეწველო სიმძლავრეები და ინვესტიციები იქნება საჭირო თავდაცვის მიმართულებით.  

უკრაინის პრეზიდენტმა ვოლოდიმირ ზელენსკიმ საომარი მდგომარეობა 24 თებერვალს დილით გამოაცხადა, რომელიც 2022 წლის 23 აგვისტომდე გაგრძელდა.