ახალი ამბები

8 ოქტომბერს, დილით, გავრცელდა ინფორმაცია, რომ ყირიმის ხიდზე ძლიერი აფეთქება მოხდა, რის შედეგადაც ხიდის სარკინიგზო და საავტომობილო მონაკვეთებზე გადაადგილება შეუძლებელია.

აფეთქებას რუსეთის ხელისუფლების წარმომადგნელები და პუტინისტი პროპაგანდისტები ეხმაურებიან.

მარგარიტა სიმონიანი

RT-ის მთავარი რედაქტორი

"და?" - სიმონიანი მომხდარის შეფასებისას მხოლოდ ერთი სიტყვით შემოიფარგლა.

ოლგა სკაბეევა

ტელეკომპანია Россия-1-ის თოქ-შოუ "60 წუთის" წამყვანი

"ვუყურებ და თვალებს არ ვუჯერებ. ვუყურებ და არ მჯერა. ალბათ ახლა რამეს მოვიმოქმედებთ. აუცილებლად. ნუთუ სიმართლეა?" - წერს სკაბეევა.

ანტონ კრასოვსკი

ტელეკომპანია Russia Today-ის რუსულენოვანი მაუწყებლობის დირექტორი

"აი ხიდისთვის ყველაზე სასტიკი პასუხია საჭირო. კიევი, ლვოვი, ოდესა, ხარკოვი, ჟიტომირი. საკმარისია მოთმენა!" - წერს კრასოვსკი.

მარია ზახაროვა

რუსეთის ფედერაციის საგარეო საქმეთა სამინისტროს ინფორმაციის და ბეჭდვის დეპარტამენტის დირექტორი

"კიევის რეჟიმის რეაქცია სამოქალაქო ინფრასტრუქტურის განადგურებაზე მის ტერორისტულ ბუნებაზე მოწმობს." - წერს ზახაროვა.