ახალი ამბები

ამერიკის შეერთებული შტატების სახელმწიფო მდივანი ირწმუნება, რომ ვაშინგტონი არ აპირებს ჩრდილო-ატლანტიკური ხელშეკრულებიდან გასვლას და პარტნიორებს მოუწოდებს თავდაცვის ხარჯები მშპ-ს 5%-მდე გაზარდონ. 

State Of Play: ამის შესახებ მარკო რუბიომ ბრიუსელში ნატოს წევრი ქვეყნების საგარეო საქმეთა მინისტრების შეხვედრამდე განაცხადა. 

• "პრეზიდენტმა მკაფიოდ განაცხადა, რომ მხარს უჭერს ნატოს და ჩვენ ვგეგმავთ ნატოში დარჩენას"- ამბობს რუბიო. 
  
  
• ამასთანავე აშშ-ს სახელმწიფო მდივნის თქმით, ჩრდილო-ატლანტიკური ალიანსის ეფექტურობისთვის აუცილებელია თავდაცვის ხარჯების გაზრდა, რაც ყველასთვის მომგებიანი იქნება. 
  
  
• "ჩვენ გვჭირდება უფრო ქმედუნარიანი ნატო, ამის ერთადერთი გზა, მისი შესაძლებლობების გაზრდაა, ჩვენი პრიორიტეტი თავდაცვისუნარიანობაა."
  
  

Big Picture: რუბიოს თქმით, თეთრი სახლისთვის გასაგებია, რომ თავდაცვის ხარჯების მშპ-ს 5%-მდე ხანრგძლივი პროცესია და მალე ვერ დასრულდება, თუმცა ტრამპის ადმინისტრაციას სურს დაინახოს, რომ პარტნიორები ამ მიმართულებით ქმედით ნაბიჯებს დგამენ. 

• "ევროპის გულში მიმდინარე სრულმასშტაბიანი სახმელეთო ომი გვახსენებს, რომ უხეში ძალა კვლავ აუცილებელია ეფექტური შეკავებისთვის"- ამბობს რუბიო. 

Context: 2024 წლის მონაცემებით ალიანსის საერთო ბიუჯეტის 63%-ს სწორედ ამერიკის შეერთებული შტატები უზრუნველჰყოფენ. 

•  ნატოს გენერალური მდივნის, მარკ რუტეს თქმით, კანადისა და ევროპული ქვეყნებისთვის რთული იქნება თავდაცვის ხარჯების მშპ-ს 5%-მდე გაზრდა, თუმცა მინიმალური მაჩვენებელი 3%-ს უნდა აღემატებოდეს.