რუსეთის ადამიანის უფლებათა საბჭო "ოსკაროსან" ფილმს უჩივის
რუსეთში გრძელდება ვნებათაღელვა "ოსკაროსანი" ფილმის, Mr. Nobody Against Putin-ის გარშემო.
ჩაშლილად: ადამიანის უფლებათა კომიტეტმა ფილმის შემქმნელების წინააღმდეგ საჩივარი დაწერეს.
- ანტიპუტინისტური განწყობების ფილმის წინააღმდეგ საჩივარი შეაქვს უწყებას, რომელიც უშუალოდ რუსეთის პრეზიდენტის ოფისს ექვემდებარება.
- საჩივრის ავტორების აზრით, ფილმის შემქმნელებმა, მათ შორის სკოლის მასწავლებელმა, პაველ ტალანკინმა, რომელიც სურათის თანარეჟისორია, ბავშვთა უფლებები დაარღვიეს.
- "ფილმში ნაჩვენებია შიდა სასკოლო შემოქმედების დეტალები, რომლებიც შემდგომში კომერციული მიზნით გამოიყენეს". - წერია საჩივარში.
- საბჭომ საჩივრით "ოსკარის" საორგანიზაციო კომიტეტს, ასევე იუნესკოს მიმართეს.
წინარე ისტორია: ფილმის მთავარი გმირი, მასწავლებელი პაველ ტალანკინი სკოლაში მიმდინარე მოვლენებს კამერით იღებდა და გადაღებულ მასალას ამერიკელ რეჟისორს, დევიდ ბორენსტინს უგზავნიდა.
- ტალანკინმა და ბორენსტინმა ერთმანეთი სოციალურ ქსელში გაიცნეს. რეჟისორი რუსეთში მიმდინარე მოვლენების შესახებ დოკუმენტურ მასალას ეძებდა.
- ორი წლის განმავლობაში ტალანკინი ბორენსტინს მალულად ვიდეოებს უგზავნიდა.
- სურათი პროვინციული ქალაქის სკოლის მაგალითზე ასახავს იმ ცვლილებებს რუსულ განათლების სისტემაში, რომელიც ომის დაწყების შემდეგ სამთავრობო პროპაგანდის გაძლიერებას მოჰყვა.
- 2024 ტალანკინმა რუსეთი დატოვა.
- 2025 წელს ტალანკინისა და ბორენსტინის ფილმმა "ოსკარის" გარდა BAFTA-ს და სანდენსის ჯილდოები მიიღო.
სტრიქონებს შორის: "ოსკარის" დაჯილდოების ცერემონიის გაშუქებისას, რუსეთზე გადაღებული ფილმი არ ახსენა არც ერთმა კრემლის მსხვილმა მედიამ.
- კრემლის პროპაგანდისტის, თინა კანდელაკის მიერ გამოქვეყნებულ "ოსკარის" მაკრიტიკებელ პოსტში ასევე არ არის ნახსენები ტალანკინის სურათი.
- მიუხედავად იმისა, რომ ოფიციალურმა სახელმწიფომ ფილმთან მიმართებით ე.წ. სირაქლემის პოზა დაიკავა, ცალკეულმა კრიტიკოსებმა სურათი მიწასთან გაასწორეს, მას "არარეალური", "ყალბი" და "პირადი მოგებისთვის" გაკეთებული უწოდეს.
- როგორც უგულებელყოფა, ისე კრიტიკა მეტყველებს იმაზე, რომ ფილმმა როგორც ხელისუფლება, ისე კრემლის პროპაგანდისტული მანქანა გააღიზიანა.
