ახალი ამბები

რუსეთმა, ქვეყნის ახალი ლიდერის, აჰმედ აშ-შაარას ვიზიტიდან ერთ კვირაში, სირიაში მდებარე სამხედრო საჰაერო ბაზაზე ფრენები განაახლა. 

როგორც მინიმუმ ორი რუსული თვითმფრინავი დაეშვა ქალაქ ლატაკიაში, სადაც ავიაბაზა "ჰმეიმიმი" მდებარეობს. ინფორმაციას გამოცემა Bloomberg ავრცელებს. 

ჩაშლილად: 26 ოქტომბერს, რუსეთის საჰაერო ძალების ИЛ-62М თვითმფრინავი ლიბიიდან აფრინდა და ლატაკიაში დაეშვა, მოგვიანებით კი მოსკოვის ოლქის მიმართულებიდან გაფრინდა.

• 24-29 ოქტომბრის შუალედში, კიდევ ერთი რუსული АН-124-100 ტიპის თვითმფრინავი სამჯერ დაეშვა ლატაკიის აეროპორტში, რომელსაც "ჰმეიმიმი" ესაზღვრება.
• Bloomberg წყაროზე დაყრდნობით წერს, რომ სირიის საგარეო საქმეთა სამინისტროს დელეგაცია მოსკოვში იმყოფება და ქვეყნებში საელჩოების აღდგენის საკითხზე მუშაობს.

სტრიქონებს შორის: 15 ოქტომბერს სირიის ლიდერი აჰმედ აშ-შაარა მოსკოვში, რუსეთის პრეზიდენტს, ვლადიმირ პუტინს შეხვდა. კრემლის განცხადების თანახმად, შეხვედრაზე მხარეებმა "ჰმეიმისა" და ტარტუსში მდებარე საზღვაო ბაზის აღდგენაზე იმსჯელეს.

• შეხვედრის მსვლელობისას, აშ-შაარამ პუტინს უთხრა, რომ მზად არის ორ ქვეყანას შორის ურთიერთობის გადატვირთვისთვის.

კონტექსტი: სირიაში სამხედრო ბაზების დაკარგვა მოსკოვისთვის სერიოზული სტრატეგიული დანაკარგი გახდა, რომელიც ლატაკიისა და ტარტუსის ბაზებს ახლო აღმოსავლეთსა და აფრიკაში თავისი გავლენის გაზრდისთვის იყენებდა.

• სირიაში ასადის რეჟიმის დამხობის შემდეგ. ევროკავშირმა ახალ ხელისუფლებას მოუწოდა რუსული სამხედრო კონტინგენტის ქვეყნის ტერიტორიაზე არსებობა არ დაუშვას.