ახალი ამბები

დონალდ ტრამპის თქმით, მას სჯერა, რომ პუტინს სურს შეთანხმების მიღწევა, თუმცა ამისთვის რუსეთისთვის პრეზიდენტს ფსიქოლოგიური ვადა დაუწესა, რომლის დარღვევის შემთხვევაშიც არ იქნება მოხარული. 

State Of Play: ამის შესახებ ტრამპმა საპრეზიდენტო თვითმფრინავში ჟურნალისტებთან საუბრისას განაცხადა. ამერიკის პრეზიდენტის თქმით, არ იცის აჭიანურებს თუ არა რუსეთი შეთანხმებას ცეცხლის შეწყვეტის შესახებ. 

• ჟურნალისტის კითხვაზე არსებობს თუ არა უკიდურესი ვადა, რომლამდეც კრემლი უნდა დათანხმდეს ამერიკის შეერთებულ შტატების ინიციატივას ტრამპი პასუხობს - "არის ფსიქოლოგიური ბარიერი, თუ კი ჩავთვლი, რო ისინი გვატყუებენ, არ ვიქნები მოხარული."
  
  
• ამასთანავე ტრამპის თქმით, სჯერა, რომ პუტინს კვლავ სურს შეთანხმების მიღწევა. 
  
  

Big Picture: ამას წინ უძღოდა NBC-ისთვის მიცემული ინტერვიუ, რომელშიც ტრამპი რუსეთს ნავთობზე მეორადი ტარიფების დაწესებით დაემუქრა. 

• "თუ კი რუსეთთან ვერ მივაღწევთ შეთანხმებას უკრაინაში სისხლისღვრის შეწყვეტის შესახებ და თუ მივიჩნიე, რომ ეს რუსეთის მიზეზით მოხდა - ეს შესაძლოა ასე არ იყოს - თუ ჩავთვლი, რომ ეს რუსეთის ბრალია მე დავაწესებ მეორად ტარიფებს რუსული ნავთობის გაყიდვაზე. რუსეთიდან მომავალ მთელ ნავთობზე"- ამბობს ტრამპი.
  
  
• ამერიკელი პრეზიდენტის თქმით, ეს იქნება 25%-იანი ტარიფი და ის კომპანიები, რომლებიც რუსულ ნავთობს ყიდულობენ ვეღარ გააგრძელებენ საქმიანობას ამერიკაში. 
• ტრამპის თქმით, ის "გაცოფდა", როდესაც ვლადიმირ პუტინმა დაიწყო საუბარი უკრაინაში ხელისუფლების  ცვლილებაზე და ამჟამინდელი ხელმძღვანელების უნდობლობაზე.