ახალი ამბები

უკრაინის საჰაერო თავდაცვის ძალებმა რუსი დამპყრობლების 10 საჰაერო სამიზნე ჩამოაგდეს. ამის შესახებ ინფორმაციას 24 სექტემბერს ფეისბუქზე უკრაინის შეიარაღებული ძალების გენერალური შტაბი ავრცელებს.

"ჩვენმა საჰაერო თავდაცვის დანაყოფებმა გაანადგურეს ოთხი თვითმფრინავი (Su-25, ორი Su-30 და ერთი Su-34), ხუთი უპილოტო საფრენი აპარატი და ოკუპანტების ფრთოსანი რაკეტა", - ნათქვამია განცხადებაში.

უკრაინის ავიაციამ, გენერალური შტაბის მონაცემებით, მტრის წინააღმდეგ 19 დარტყმა განახორციელა სახმელეთო ჯგუფების მოქმედებების მხარდასაჭერად, ხოლო სარაკეტო ჯარებმა და არტილერიამ - 21 დარტყმა.

"დადასტურდა მტრის ცოცხალი ძალისა და სამხედრო ტექნიკის კონცენტრაციის 14 უბნის და საზენიტო-სარაკეტო სისტემების ხუთი პოზიციის განადგურება. დაიბომბა ოთხი სამეთაურო პუნქტი, მტრის ცოცხალი ძალისა და აღჭურვილობის კონცენტრაციის 10-ზე მეტი უბანი, სამი საჰაერო თავდაცვის პოზიციეა და საბრძოლო მასალის ოთხი საცავი", - განმარტეს უკრაინის შეიარაღებულ ძალებში.

გენერალურ შტაბში აღნიშნეს, რომ მოწინააღმდეგის დანაკარგები ჯერ კიდევ ზუსტდება.