ახალი ამბები

დღის განმავლობაში უკრაინულმა ავიაციამ ექვსი რუსული სამხედრო კოლონა დაბომბა, გარდა ამისა, საჰაერო თავდაცვის სისტემებმა ვერტმფრენი და დრონი ჩამოაგდეს, ხოლო ბაირაქტარით საჰაერო თავდაცვის სისტემა Buk-M1 განადგურდა. ამას უკრაინის შეიარაღებული ძალების გენერალური შტაბის მიერ 27 თებერვალს გამოქვეყნებულ განცხადებაში ვკითხულობთ.

"დღეს მძიმე დღე იყო უკრაინის თავდაცვის ძალებისთვის. ოკუპანტები აგრძელებენ დაბომბვას თითქმის ყველა მიმართულებით", - აღნიშნეს გენერალური შტაბი.

გავრცელებული ინფორმაციით უკრაინულმა მოიერიშე SU-25-ებმა რუსული სამხედრო კოლონები გაანადგურეს ხერსონისა და ჩერნიგოვის რეგიონებში. ამასთანავე, უკრაინულმა სუ-24M-ებმა გაანადგურეს მტრის ტექნიკის კოლონები კიევში, ჟიტომირის, ჩერნიგოვის რაიონებში და ზაპოროჟიეში.

ასევე, საზენიტო სარაკეტო ძალების ნაწილებმა ჩამოაგდეს ვერტმფრენი Ka-52 და თვითმფრინავი Orlan-10, ხოლო Bayraktar TB2-ით განადგურდა რუსული საჰაერო თავდაცვის სისტემა Buk-M1.

საერთო ჯამში, უკრაინაში სრულმასშტაბიანი ომის დაწყებიდან, დაახლოებით 4500 რუსი სამხედრო დაიღუპა. წინასწარი მონაცემებით განადგურდა და დაზიანდა 27 თვითმფრინავი, 26 შვეულმფრენი, 150-მდე ტანკი, 700-ზე მეტი ჯავშანტექნიკა, ერთი ბუკის საჰაერო თავდაცვის სისტემა, ოთხი გრადი, ორი დრონი და ორი გემი/ნავი.