ზელენსკი: ოკუპანტებმა დონბასში ხოცვა-ჟლეტა მოაწყვეს
უკრაინის პრეზიდენტმა ვოლოდიმირ ზელენსკიმ განაცხადა, რომ ფრონტზე ურთულესი ვითარებაა ახლა დონეცკის ოლქში ბახმუტში და ლუგანსკის ოლქში პოპასნასა და სევეროდონეცკში. ამის შესახებ მან 23 მაისს გამოქვეყნებულ საღამოს გამოსვლაში განაცხადა.
"ყველაზე რთული საბრძოლო ვითარება ახლა დონბასშია. ბახმუტი, პოპასნაია, სევეროდონეცკი - ამ მიმართულებით ოკუპანტების ყველაზე დიდი აქტივობაა. იქ მოაწყვეს ხოცვა-ჟლეტა და ცდილობენ გაანადგურონ ყველას სიცოცხლე. აბსოლუტურად. არავის გაუნადგურებია დონბასი ისე, როგორც ახლა რუსები იქცევიან", - თქვა ზელენსკიმ.
მან მადლობა გადაუხადა ყველა უკრაინელ ჯარისკაცს, ვინც პოზიციებს იკავებს და "კონტრშეტევის გამბედაობა აქვს". მან ცალკე ახსენა საზღვაო ქვეითები, რადგან დღეს უკრაინა საზღვაო ქვეითთა კორპუსის დღეს აღნიშნავს.
"ამ ომში, როგორც 24 თებერვლიდან, ასევე 2014 წლიდან, საზღვაო ქვეითებმა თავი ძალიან მამაცურად გამოიჩინეს. ისინი იმ ქვედანაყოფებს შორის იყვნენ, რომლებიც გმირულად იცავდნენ მარიუპოლს. მათ მონაწილეობა მიიღეს ბევრ მნიშვნელოვან ბრძოლაში", - აღნიშნა პრეზიდენტმა.
