ახალი ამბები

უკრაინის პრეზიდენტი ვოლოდიმირ ზელენსკი 2 დეკემბერს, კიევში, უკრაინელ სამხედროებს და რუსეთის ტყვეობიდან გათავისუფლებულ პირებს შეხვდა და მათ სახელმწიფო ჯილდოები გადასცა.

ამ ინფორმაციას უკრაინის პრეზიდენტის ადმინისტრაციის პრესცენტრი ავრცელებს.

"სამხედრო და სამოქალაქო. ჩვენი არმიის მეომრები, საზღვაო ძალების მებრძოლები, ეროვნული გვარდიის მებრძოლები, პოლიციელები, მესაზღვრეები, ტერიტორიული თავდაცვის წევრები, ექიმები, მაშველები, ჩვენი მოხალისეები. ხალხი ყველა რეგიონიდან. ხალხი, ვინც იბრძოდა ჩრდილოეთში, აღმოსავლეთში, სამხრეთში, კუნძულ ზმეინიზე, მარიუპოლში და "აზოვსტალში". კიევისა და ხარკოვის დაცვა. ხერსონის რეგიონის დაცვა, ჩვენი ზაპოროჟიეს დაცვა. ესენი არიან სხვადასხვა რანგის ადამიანები, განსხვავებული პიროვნული ისტორიებით, მაგრამ რომლებსაც სახლში მაინც ველოდით. ვისთვისაც ვიბრძოდით! მაინც ვიბრძოდით ყველასთვის. ვინც გაიარა ტყვეობა, მაგრამ შეინარჩუნა ღირსება", - განაცხადა ზელენსკიმ.

მისი თქმით, უკრაინა გააგრძელებს რუსეთის ფედერაციაში და ოკუპირებულ ტერიტორიებზე დატყვევებული უკრაინელების სახლში დაბრუნებაზე მუშაობას.

"1331 ადამიანი უკვე თავისუფალია. მაგრამ ჩვენ უნდა დავაბრუნოთ ყველა ჩვენი გმირი, რომელიც მტერმა დაატყვევა, ყველა დეპორტირებული, რეპრესიების მსხვერპლი და სხვადასხვა "იზოლაციაში" მყოფი", - თქვა ზელენსკიმ.

უკრაინის პრეზიდენტმა ხაზი გაუსვა რუსეთის ტყვეობაში გადარჩენილი უკრაინელების, ასევე რუსეთის ფედერაციის ხელში მყოფი უკრაინელების ისტორიების გავრცელების მნიშვნელობას: "მათი გამძლეობის, გმირობისა და უძლეველობის შესახებ".