ახალი ამბები

უკრაინის პრეზიდენტი ვოლოდიმირ ზელენსკი აცხადებს, რომ სახელმწიფო ღალატში ბრალდებული ოლიგარქი ვიქტორ მედვედჩუკი დაკავებულია.

"უკრაინის უშიშროების სამსახურმა სპეცოპერაცია ჩაატარა. ყოჩაღ! დეტალები მოგვიანებით!." - წერს ზელენსკი.

ზელენსკიმ მედვედჩუკის ფოტო გამოაქვეყნა, სადაც მას ხელბორკილები ადევს.

18 მარტს მედვედჩუკს უკრაინულმა სასამართლომ აღმკვეთი ღონისძიების სახით პატიმრობა მიუსაჯა, თუმცა იგი ამ დრომდე მიმალვაში იმყოფებოდა.