ახალი ამბები

ჩინეთის მიერ ანექსიის მესამოცე წლისთავზე ჩინეთის კომუნისტური პარტიის ლიდერი იშვიათი ვიზიტით ტიბეტს ეწვია. 

State of Play: ამის შესახებ ჩინეთის სახელმწიფოს საინფორმაციო სააგენტო Xinhua ავრცელებს. 

• "დედაქალაქ ლჰასაში ლიდერს თბილი დახვედრა მოუწყვეს ხალხებმა განსხვავებული ეთნიკური ჯგუფებიდან. ლამაზი ყვავილებით ხელდამშვენებულები ისინი ესალმებოდნენ ლიდერს და ცეკვავდნენ მხრიალურ რითმებზე"- ნათქვამია მასალაში. 
  
  
• თავის სიტყვაში სი ძინფინგმა ხაზი გაუსვა "თანამედროვე, სოციალისტური ტიბეტის მშენებლობის მნიშვნელობას, რომელიც ჰარმონიაში იქნება ერთიან ცინეთთან."

Big Picture: ჩინეთის სახალხო-გამათავისუფლებელმა არმიამ ტიბეტი 1951 წელს დაიკავა, 1965 წელს მაო ძედუნმა ტიბეტის ავტონომიური რეგიონი გამოაცხადა. მომდევნო ათწლეულებში კომუნისტურმა პარტიამ რეგიონში ინტენსიური პოლიტიკური რეპრესიების ტალღა წამოიწყო. 

• განსაკუთრებული სისასტიკით იდევნებოდნენ ბუდისტი სასულიერო პირები, განადგურდა არაერთი მონასტეერი. 
  
  
• დამოუკიდებელი დამკვირვებლების შეფასებით, გასულ ათლწლეულებში კომუნისტური პარტია ახალისებს ტიბეტში მიგრაციას, გარდა ამის რეგიონი პრაქტიკულად სრულად დაიხურა მედიისთვის, იკრძალება პოლიტიკური და კულტურული ღონისძიებები, რომლებიც რეგიონის განსხვავებულ ისტორიას უსვამს ხაზს. 
  
  

Zoom In: ჩინეთმა ასევე მიისაკუთრა რეინკარნირებული დალაი-ლამას "დანიშვნის" უფლება, რომელიც ტიბეტელი ბუდისტების უმაღლესი სასულიერო ლიდერია. 

• მოქმედი დალაი ლამა, რომელსაც ცოტა ხნის წინ 90 წელი შეუსრულდა, 1959 წლის შემდეგ ინდოეთში ცხოვრობს. 
  
  
• სი ძინფინგის ვიზიტს ინდოეთში ემიგრირებული ტიბეტელების საპროტესტო აქცია მოჰყვა. 
  
  
• კრიტიკოსების შეფასებით, 2008 წლის საპროტესტო აქციების შემდეგ რეპრესიები გამწვავდა. 
  
  

The Other Side: ჩინეთის კომუნისტური პარტია ირწმუნება, რომ ტიბეტი ასწლეულეობის განმავლობაში ჩინეთის განუყოფელი ნაწილი იყო, ხოლო რეგიონში ცენტრალური ხელისუფლების კონტროლის დამყარების შემდეგ სიღარიბის დონე მკვეთრად შემცირდა.