ახალი ამბები

დონეცკის ოლქის ქალაქ, ბახმუტში, ადგილობრივი მცხოვრები დააკავეს, რომელიც გამოძიების ინფორმაციით, რუს დამპყრობლებთან თანამშრომლობდა. ამის შესახებ 12 ივნისს უკრაინის გენერალური პროკურატურის პრესსამსახური იტყობინება.

"2022 წლის მაის-ივნისში უკრაინის მოქალაქე ნებაყოფლობით თანამშრომლობდა აგრესორი ქვეყნის ერთ-ერთი სამართალდამცავი უწყების წარმომადგენელთან. ინტერნეტ-აპლიკაციის საშუალებით ეჭვმიტანილმა დამპყრობლებს გადასცა უკრაინის შეიარაღებული ძალების სამხედრო პერსონალისა და სამხედრო ტექნიკის მდებარეობის კოორდინატები ქალაქ ბახმუტში." - ნათქვამია განცხადებაში.

სამართალდამცავებმა ასეთი მონაცემების გადაცემის 14 ფაქტი დააფიქსირეს.

დაკავებულს ბრალი სისხლის სამართლის კოდექსის 111-ე მუხლის მე-2 ნაწილით წაუყენეს (სამხედრო ღალატი).