ახალი ამბები

ბელარუსის თავდაცვის სამინისტროს ცნობით, 16 იანვრიდან პირველ თებერვლამდე პერიოდში რუსეთის საჰაერო-კოსმოსურ ძალებთან ერთობლივი საჰაერო წვრთნები გაიმართება. 

ამის შესახებ ინფორმაციას ბელარუსის თავდაცვის სამინისტრო ავრცელებს. 

"წვრთნების დროს გამოყენებული იქნება ბელარუსის სამხედრო-საჰაერო ძალების და საჰაერო თავდაცის ძალების ყველა აეროდრომი.

კონტექსტი 

24 თებერვალს რუსეთის ჯარები უკრაინაში მათ შორის ბელარუსის ტერიტორიიდანაც შეიჭრნენ. სწორედ ამ ქალაქ გომელიდან წამოსულ ნაწილებს უნდა დაეკავებინათ კიევი. 

• ლუკაშენკო: ვეხმარებით რუს ძმებს, მაგრამ უკრაინელებსაც არ ვივიწყებთ

გარდა ამისა ბელარუსის ტერიტორია და ქვეყანაში მდებარე აეროდრომები პერიოდიულად გამოიყენება უკრაინაზე სარაკეტო და საავიაციო თავდასხმებისთვის. 

ბოლო 2 თვის განმავლობაში ბელარუსში რუსეთის სამხედრო დაჯგუფების შემადგენლობა მუდმივად იზრდება - 28 დეკემბრის მონაცემებით ბელარუსის ტერიტორიაზე 10 ათასი რუსი ჯარისკაცია განლაგებული. 

დღეს, 8 იანვარს ბელარუსში რუსეთის საჰაერო-კოსმოსური ძალების 9 ვერტმფრენი ჩავიდა, მოსალოდნელია რომ ისინი მონაწილეობას მიიღებენ დაგეგმილ წვრთნებში. 

სამხედრო ექსპერტების აზრით, ბელარუსის ტერიტორიაზე განლაგებული რუსი ჯარისკაცებისა და სამხედრო ტექნიკის რაოდენობა კიევზე ხელახალი იერიშისთვის საკმარისი არ არის.