ახალი ამბები

ვლადიმირ პუტინი თავისი ამერიკელი კოლეგისგან "მისაღებ" სამშვიდობო შეთანხმებას ელის, მაგრამ მოლაპარაკებების წარუმატებლობის შემთხვევაში მზად არის გააგრძელოს ომი. 

State Of Play: ინფორმაციას ამის შესახებ Bloomberg კრემლში საკუთარ წყაროებზე დაყრდნობით ავრცელებს. წყაროების ცნობით, რუსეთის პრეზიდენტი იაზრებს, რომ ტრამპი მას ომის დასრულების კარგ შანსს სთავაზობს და სურს დიპლომატიური პროცესის გაგრძელება. 

• ამავე წყაროების ცნობით, კრემლს დიდად არ ადარდებს დონალდ ტრამპის მუქარები რუსული ნავთობის გაყიდვის შეზღუდვის შესახებ. 
  
  
• ამასთანავე რუსეთის პრეზიდენტის გარემოცვის წევრები გამოცემასთან საუბარში მიუთითებენ, რომ კრემლი მზად არის გააგრძლოს ომი მოლაპარაკებების წარუმატებლობის შემთხვევაში. 
  
  

Big Picture: Bloomberg-ის პუბლიკაციას წინ უძღოდა დონალდ ტრამპის მიერ კრემლის მოქმედებებით გამოხატული უკმაყოფილება. 30 მარტს NBC-სთან ინტერვიუში ტრამპმა განაცხადა, რომ პუტინზე გაბრაზებული იყო და რუსეთს ნავთობის გაყიდვაზე დამატებითი შეზღუდვების დაწესებით დაემუქრა. 

• "თუ კი რუსეთთან ვერ მივაღწევთ შეთანხმებას უკრაინაში სისხლისღვრის შეწყვეტის შესახებ და თუ მივიჩნიე, რომ ეს რუსეთის მიზეზით მოხდა - ეს შესაძლოა ასე არ იყოს - თუ ჩავთვლი, რომ ეს რუსეთის ბრალია მე დავაწესებ მეორად ტარიფებს რუსული ნავთობის გაყიდვაზე. რუსეთიდან მომავალ მთელ ნავთობზე"- თქვა ტრამპმა. 
  
  
• უკვე პირველ აპრილს Fox News საკუთარ წყაროებზე დაყრდნობით წერდა, რომ ტრამპი იმედგაცრუებულია პუტინის მიერ სამშვიდობო მოლაპარაკებების გაჭიანურებით და რომ ადმინისტრაცია სანქციების აგრესიულ გამკაცრებას განიხილავს, მათ შორის რუსეთის ე.წ. ჩრდილოვან ფლოტისთვის. 
  
  

Context: პუბლიკაციის გამოქვეყნება დაემთხვა პუტინის სპეციალური წარმომადგენლის, კირილ დმიტრიევის ვიზიტს ვაშინგტონში - ეს უკრაინაში სრულმასშტაბიანი შეჭრის შემდეგ რუსი ჩინოვნიკის პირველი ოფიციალური ვიზიტია ვაშინგტონში. 

• საინფორმაციო სააგენტო Reuters-ის ცნობით, დმიტრიევი უკვე შეხვდა ტრამპის სპეციალურ წარმომადგენელს, სტივ უიტკოფს, თუმცა შედეგების შესახებ არაფერია ცნობილი. 
  
  
• ტრამპის ადმინისტრაციასთან კომუნიკაციის დასამყარებლად დმიტრიევის როლი ინსტრუმენტული აღმოჩნდა - სწორედ დმიტრიევი არაბი ბიზნესმენის მეშვეობით დაუკავშირდა დოჰაში მყოფ სტივ უიტკოფს, რამაც საფუძველი დაუდო მოლაპარაკებების პარალელურ ფორმატს. 
  
  
• დმიტრიევის როლი პროცესში უფრო საქმიანი და ის ძირითადად ეკონომიკურ თანამშრომლობაზე აკეთებს აქცენტს. დმიტრიევი ცდილობს ტრამპის ადმინისტრაცია დაარწმუნოს, რომ რუსეთთან ახლო თანამშრომლობა ფინანსურად მომგებიანი იქნება შტატებისთვის. 
  
  
•